كیلیان ئێمباپێ داهاتووی خۆی یەكلا كردەوە
بەڵێی بۆ ریال مەدرید كردووە...
یاریگا –
كیلیان ئێمباپێ، ئەستێرەی هەڵبژاردەی فەڕەنسا و یانەی پاریس سانجێرمانی هەمان وڵات داهاتووی خۆی یەكلا كردەوە.
گرێبەستەكەی كیلیان ئێمباپێ لەگەڵ پاریس سانجێرمان لە هاوینی ئەمساڵدا بەسەردەچێت.
پێشتر راپۆرتە رۆژنامەوانیەكان ئاشكرایانكرد یانەی ریال مەدریدی ئیسپانی دوایین ئۆفەری خۆی بۆ گواستنەوەی هێرشبەرە فەڕەنسیەكە پێشكەش دەكات و دوا وادەش بۆ وەڵامدانەوەی دیاری دەكات.
كەمێك پێش ئێستا رۆژنامەنووس سانتی ئاونا لە تۆڕی فووت مێركاتۆ ئاشكرایكرد، هەموو شتێك كۆتایی هات و وەرزی داهاتوو كیلیان ئێمباپێ بەشێوەیەكی فەرمی پەیوەندی بە ریال مەدریدەوە دەكات.
بەپێی زانیاریەكانی هەمان سەرچاوە، وەرزی داهاتوو گۆڵكاری مێژوویی پاریس سان جێرمان بە درێسی ریال مەدریدەوە یاری دەكات. لە چەند رۆژی رابردوودا هەردوولا گەیشتوونەتە رێككەوتن و یاریزانەكە بەڵێی بۆ ئەو یانەیە كردووە.
🚨EXCL: ⚪️🇫🇷 #Liga |
❗️ Kylian Mbappé va rejoindre le Real Madrid la saison prochaine ✍️💣
▶️ Un accord a été trouvé ces derniers jours avec l'attaquant français 🔐
Avec @sebnonda https://t.co/utOlZ1dfgD pic.twitter.com/zrohH6MIs9
— Santi Aouna (@Santi_J_FM) January 7, 2024
هەروەها لەلایەكی دیكەوە دەیڵی مەیڵی بەریتانی هەمان هەواڵی پشتڕاستكردەوە و دووپاتیانكردەوە وەرزی داهاتوو كیلیان ئێمباپێ درێسی یانە شاهانەكە دەپۆشێت.
ئێمباپێ بە درێسی پاریس سانجێرمانەوە بەشداری لە 283 یاری كردووە و توانیویەتی 234 گۆڵ بكات و 100 گۆڵیش درووست بكات.
