یاریگا –
یانەی ریال مەدرید توشبوونی لوکاس ڤاسکێسی بە پێکان راگەیاند.
کەمێک لەمەوبەر پێگەی فەرمی یانەی ریاڵ مەدرید بڵاویکردەوە، پاش ئەنجامدانی پشکنینە پزیشکییەکانی ئەمڕۆ دەرکەوت لوکاس ڤاسێکس لە ماسولکەکانی رانی چەپی پێکانی هەیە.
بەهۆی ئەو پێکانە پێشبینی دەکرێت یاریزانەکەی مێرێنگی بۆ ماوەی 3 هەفتە لە یاریکردن داببڕێت و ناتوانێت بەشداری یارییەکانی جامی سوپەری ئیسپانیا بکات، کە یارییەکانی جامەکە 10ـی ئەم مانگە لە سعودیە بەڕێوەدەچێت.
Parte médico de Lucas Vázquez.#RealMadrid
— Real Madrid C.F. (@realmadrid) January 5, 2024
پێکانەکەی لوکاس لە کاتێکی هەستیاردایە، بەوپێیەی یانەکە لە هێڵی بەرگری پێکانی زۆرە و بەرگریکاری پێویستی لە بەردەستدا نییە.
جیا لە لوکاس، هەریەکە لە ئێدێر میلیتاو و دەیڤد ئالابا بەهۆی پێکانی درێژخایەن دوورکەوتوونەتەوە. فێرلان مێندی فەڕەنسیش پێکانی هەیە و دوورکەوتووەتەوە.
هەر بۆیە پێکانە زۆرەکان، فلۆرێنتینۆ پێرێز ناچار دەکەن لە مێرکاتۆی زستانە بەرگریکارێک بۆ کارلۆ ئانچیلۆتی بگوازێتەوە.
بەڵام ئەوەی مایەی دڵخۆشی مەدریدییەکانە، گەڕانەوەی کاماڤینگای فەڕەنسییە، کە ناوی لە لیستی یاریزانە بەنگهێشتکراوەکانی یانەکەی بۆ یارییەکەی سبەی بەرامبەر بە ئاراندینا لە جامی شای ئیسپانیا هەیە.
📋✅ ¡Nuestros convocados!
🆚 @ArandinaCF#CopaDelRey pic.twitter.com/2eZ1wQEB8q— Real Madrid C.F. (@realmadrid) January 5, 2024
