بە فەرمی تۆژان بوچانان پەیوەندی بە ئینتەر میلان کرد
یاریگا –
بەشێوەیەکی فەرمی تۆژان بوچانان پەیوەندی بە یانەی ئینتەر میلان کرد.
کەمێک لەمەوبەر یانەی ئینتەر میلانی ئیتاڵی رایگەیاند، بەشێوەیەکی فەرمی لەگەڵ تۆژان بوچانانی یاریزانی پێشووی یانەی کڵەنب بروجی بەلجیکی گەیشتوونەتە رێککەوتن و یاریزانەکە پەیوەندی بە یانەکەیان کردووە.
Welcome 🇨🇦#ForzaInter #WelcomeTajon
— Inter (@Inter) January 5, 2024
تێچووی گرێبەستەکەی بوچانان لەسەر ئینتەر 7 ملیۆن یۆرۆ بووە، یاریزانەکە شوێنی خوان کوادرادۆ دەگرێتەوە کە بەهۆی پێکان لە یاریکردن دوورکەوتووەتەوە.
هاوکات تۆژانی تەمەن 24 ساڵان بووە بە یەکەم یاریزانی کانەدی لە مێژوودا پەیوەندی بە سێریا ئەی بکات.
بوچانان لەم وەرزە لە سەرجەم پاڵەوانێتییەکاندا 20 یاری بۆ کڵەب بروج کردبوو، 3 گۆڵی کردبوو، 4 گۆڵیشی درووست کردبوو.
Prima foto ufficiale ✅#ForzaInter #WelcomeTajon pic.twitter.com/3vWJBClcpT
— Inter (@Inter) January 5, 2024
