لاوتارۆ و دیمارکۆ گەڕانەوە راهێنانەکانی ئینتەر میلان

یاریگا

لاوتارۆ مارتینێز هێرشبەری ئەرجەنتینی و هەروەها فێدێریکۆ دیمارکۆ بەرگریکاری ئیتاڵی یانەی ئینتەر میلان، دوای ماوەیەک دابڕان بەهۆی پێکان گەڕانەوە و بەشداری راهێنانەکانی یانەکەیان کردەوە.

نزیکەی دوو هەفتە لەمەوبەر لاوتارۆ مارتینێز و فێدریکۆ دی مارکۆ هەردوو یاریزانەکەی نێرازۆری تووشی پێکان بوون لە ماسولکەکانیان و لە دوو یاری کۆتایی ساڵی 2023 بەرامبەر لێچی و جێنەوا بەشدارییان نەکرد. 

ماڵپەری فەرمی یانەی ئینتەر میلان وێنەی راهێنانەکانی ئەمڕۆی یانەکەیانی بڵاویکردەوە، لە راهێنانەکاندا دەردەکەوێت لاوتارۆ و دیمارکۆ بەشداری دەکەن و هیچ کێشەیەکیان نیە.

سەرچاوەکانی نزیک لە یانەکەش بڵاویان کردووەتەوە، دوای بەشداری کردنی هەردوو یاریزانەکەی نێرازۆری لە راهێنانە بە کۆمەڵەکانی یانەکەیان، پێدەچێت بۆ یاریی داهاتوو بەرامبەر هێلاس ڤێرۆنا بەشداری بکەن.