واتارۆ ئێندۆ بە باشترین یاریزانی لیڤەرپوول دیاریکرا

یاریگا

واتارۆ ئێندۆ ناوەڕاستکاری ژاپۆنی یانەی لیڤەرپوول، دوای پێشکەش کردنی ئاستێکی باش، بە دەنگی هاندەرانی یانەکەی وەک باشترین یاریزانی مانگی رابردوو هەڵبژێردرا.

ماڵپەری فەرمی یانەی لیڤەرپوول ناوی براوەی خەڵاتی باشترین یاریزانی کۆتا مانگی ساڵی 2023 ئاشكرا کرد، ناوەڕاستکاری ژاپۆنی ئەو یانەیە توانی کێبڕکێیەکە لە هاوڕێکانی بباتەوە و بە کۆی دەنگی هاندەرانی یانەکەی، خەڵاتی باشترین یاریزانی مانگی رابردووی یانەکەی بەدەستهێنا.

واتارۆ ئەم وەرزە بە گشتی لەگەڵ یانەکەی، لە سەرجەم خوڵ و پاڵەوانتیەکان بەشداری 25 یاریکردووە و خاوەنی سێ گۆڵ و یەک ئاسیستە، هەروەها ناوەڕاستکارە ژاپۆنیەکە مانگی رابردوو لەگەڵ لیڤەرپوول، بەشداری نۆ یاریی کرد و توانی یەک ئاسیست بکات.