مەهدی تارمی بە مەرجێک پەیوەندی بە ئینتەر میلان دەکات

یاریگا –

مەهدی تارمی ئێرانی، بە مەرجێک پەیوەندی بە یانەی ئینتەر میلانی ئیتاڵی دەکات.

رۆژنامەی کۆرێری دیلۆ سپۆرتی ئیتاڵی بڵاویکردووەتەوە، ئینتەر میلان چاوی بڕیووەتە تواناکانی مەهدی تارمی ئێرانی و ئەستێرەی یانەی پۆرتۆی پۆرتوگالی و هەوڵی گواستنەوەی دەدات.

گرێبەستەکەی تارمی لەگەڵ یانە پۆرتوگالییەکە لە هاوینی داهاتوو بەسەردەچێت، ئینتەر دەیەوێت بە گرێبەستێکی ئازاد گۆڵکارە ئێرانییەکە بەدەستبهێنێت.

بەپێی رۆژنامە ئیتاڵییەکە، هێرشبەرە تەمەن 31 ساڵانییەکە ئامادەیە پەیوەندی بە یانە ئیتاڵییەکە بکات، بەڵام بەو مەرجەی ساڵانە 5.5 ملیۆن یۆرۆی وەک مووچە پێ بدەن، هەروەها بەپێی ئاستی پاداشتیش بکرێت.

🚨 Mehdi Taremi is asking for €5.5M/year + bonuses to join #Inter. 🇮🇷

[via @CorSport 🌗] pic.twitter.com/QkuPiceS7l

— Inter Xtra (@Inter_Xtra) January 3, 2024

گرینگیدانی ئینتەر بەو یاریزانە لە کاتێکدایە ئەیسی میلانی دراوسێشی چاوی لەسەرییەتی، لە هاوینی رابردووش هەوڵێکی زۆری بۆ گواستنەوەی دا، بەڵام پۆرتۆ ئامادە نەبوو دەستبەرداری ببێت.

بۆیە پێشبینی دەکرێت لە مێرکاتۆی هاوینەی داهاتوو، هەردوو میلانەکە ململانێ لەسەر بەدەستهێنانی ئەو یاریزانە بکەن.

مەهدی بە درێسی پۆرتۆ لە سەرجەم پاڵەوانێتییەکاندا 171 یاری کردووە، 86 گۆڵی کردووە و 53 گۆڵیشی درووست کردووە.

نازناوێکی خولی پۆرتوگالی، دوو نازناوی جامی پۆرتوگال، نازناوێکی جامی خولی پۆرتوگال و دوو نازناوی جامی سوپەری پۆرتوگالی لەگەڵ یانەکەی بەدەستهێناوە.

🚨 Mehdi Taremi is NOT an option for this transfer window, only for June. Both non-EU spots for this season’s transfers are already occupied by Alexis Sánchez and Tajon Buchanan. 🇮🇷❌

[@tuttosport 🌗 via @SimoneTogna] pic.twitter.com/RrVsxFmpqN

— Inter Xtra (@Inter_Xtra) January 3, 2024