یاریگا –
ئانتۆنیۆ رودیگەر، بەرگریكاری ئەڵمانی یانەی ریال مەدریدی ئیسپانی دڵخۆشی خۆی دەربرڕی بە بردنەوەكەیان بەرامبەر ریال مایۆركا.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ریال مایۆركای كرد و یارییەكەشی بە ئەنجامی گۆڵێكی بێ وەڵام لێ بردەوە، لە میانی یارییەكانی هەفتەی نۆزدەی خولی ئیسپانیا.
⚽️🔥 روديغر يفتتح التسجيل للملكي برأسية متقنة#الدوري_الاسباني | #ريال_مدريد_مايوركا #LaLiga pic.twitter.com/dhBMnEwt5Q
— beIN SPORTS (@beINSPORTS) January 3, 2024
تاكە گۆڵی یارییەكە لە لایەن رودیگەر لە خولەكی 78 بە لێدانی سەر تۆمار كرا.
🚨🎥 الصحفي: "هل يزعجك عندما يقول الناس أن روديجر مجنون بعض الشيء؟"
🗣️ روديجر: "لا، لأنني مجنون كبير".pic.twitter.com/htRIS19vUS
— شبكة RM4Arab (@RM4Arab) January 3, 2024
لە لێدوانەكانیدا لە دوای یارییەكەیان رودیگەر سەبارەت بەوەی ئایا بێزار دەبێت كە خەڵك بە شێت ناوی دەبەن، گوتی:
نەخێر، بێگومان من لە هەندێك شتدا شێتم، بەڵام بە شێوەیەكی ئەرێنی.
بەردەوام بوو گوتیشی:
مۆدریچ تۆپێكی جوانی خستە ناوەوە، خۆشبەختانە تۆپەكە چوویە ناو گۆڵەكەوە، وەرزی رابردوو بەرامبەر مایۆركا گۆڵم كرد و ئەم وەرزەش بە هەمان شێوە، زۆر دڵخۆشم، چونكە گۆڵێكی زۆر گرنگ بوو بۆ ئێمە.
سەبارەت بە بۆچوونی دەربارەی ئۆرێلیەن چوامینی لە ناوەندی بەرگری، رودیگەر گوتی:
ئەو زۆر باشە، زۆر بە باشی خۆی لەگەڵ پۆستەكەدا دەگونجێنێت، زۆر زیرەكە و ئەمەش دەكرێت شتێكی باش بێت بۆی بۆ ئەوەی لە داهاتوودا زیاتر بەرەو پێش بچێت.
ریال مەدرید بە كۆكردنەوەی 48 خاڵ لە پێشەنگی ریزبەندی خولی ئیسپانیا دێت.
