یاریگا –
كۆمەڵەی خولی ئیسپانیا، پێگەی ڤیتۆر رۆكی هێرشبەرە نوێیەكەی بارسێلۆنای لە یارییكردن بەرامبەر لاس پاڵماس یەكلایكردەوە.
وا بڕیارە ئەمڕۆ پێنجشەممە كاتژمێر 23:30 لاس پاڵماس لە یاریگای خۆیدا میوانداری بارسێلۆنا بكات، لە میانی یارییەكانی هەفتەی نۆزدەی خولی ئیسپانیا.
❗️Official: Vitor Roque has been registered. pic.twitter.com/P71FIG41jC
— Barça Universal (@BarcaUniversal) January 3, 2024
بەپێی زانیارییەكانی رۆژنامەی سپۆرت، بەشێوەیەكی فەرمی كۆمەڵەی خولی ئیسپانیا ناوی ڤیتۆر رۆكی لە لیستی یاریزانەكانی بارسێلۆنادا تۆمار كرد.
بەوەش یاریزانەكە دەتوانێت لە یارییەكەی بارسێلۆنا بەرامبەر لاس پاڵماس بەشداری بكات.
لە راپۆرتەكەی سپۆرتدا هاتووە، ناونوسكردنی رۆكی بەشێوەیەكی كاتیە و تا كۆتایی وەرز دەبێت، یانە كەتەلۆنییەكە دەبێت لە كۆتایی وەرزدا جارێكی دیكە ناوی هێرشبەرەكەی تۆمار بكاتەوە.
بارسێلۆنا سوودی لە پێكانە سەختەكەی گاڤی وەرگرت بۆ تۆماركردنی ناوی ڤیتۆر رۆكی.
بارسێلۆنا بە كۆكردنەوەی 38 خاڵ لە ریزبەندی چوارەمی لالیگا دێت و بە جیاوازی 10 خاڵ لە دوای ریال مەدریدی پێشەنگەوەیە.
