جەیدن سانچۆ لە گەڕانەوەی بۆ دۆرتموند نزیکە
یاریگا –
جەیدن سانچۆ، نزیکە لە گەڕانەوە بۆ یانەی بۆڕووسیا دۆرتموندی ئەڵمانی.
رۆژنامەنووس فلۆریان پلاتنبێرگ بڵاویکردووەتەوە، گفتوگۆکانی نێوان هەردوو یانەی مانچێستەر یونایتد و بۆڕووسیا دۆرتموند بەردەوامە، سانچۆ نزیکە لەوەی بەشێوەی خواستن بگەڕێتەوە یانە کۆنەکەی.
بەپێی زانیارییەکانی رۆژنامەنووسەکەی تۆڕی سکای سپۆرت، سانچۆ زۆر بەپەرۆشە بۆ گەڕانەوە بۆ دۆرتموند، هەموو هەوڵەکانی خستووەتە گەڕ تا ئەو گواستنەوەیە رووبدات.
⬛️🟨 More on #Sancho and our exclusive news from tonight:
➡️ Concrete talks between the clubs are ongoing. A completely different situation than three weeks ago. ManUtd wants to help to finalize the loan until the end of the season. #bvb
Main reason: #MUFC is informed that… pic.twitter.com/yHaUy1TRP2
— Florian Plettenberg (@Plettigoal) January 2, 2024
پلاتنبێرگ ئاماژەی بەوەش کردووە، شەیتانە سوورەکانیش پێشوازییەکی گەورە لەم هەنگاوەی یانە ئەڵمانییەکە دەکەن، هاوکار دەبن بۆ ئەوەی سانچۆ تا کۆتایی وەرز بگەڕێتەوە ئەڵمانیا.
سانچۆ لە هاوینی 2021 بە بڕی 85 ملیۆن یۆرۆ لە بۆڕووسیا دۆرتموندی ئەڵمانییەوە گواسترایەوە بۆ مانچێستەر یونایتد، بەڵام بە درێسی شەیتانە سوورەکان نەیتوانی ئاستێکی بەرز پێشکەش بکات.
بە درێسی یانە ئینگلیزییەکە لە 82 یاریدا تەنیا 12 گۆڵی کردووە و خاوەنی 2 ئەسیستیشە. ئەمە لە کاتێکدایە بە درێسی دۆرتموند لە 137 یاریدا 50 گۆڵی کردووە و 64 گۆڵیشی درووستکردووە.
🟡⚫️ Jadon Sancho, pushing a lot to join BVB as soon as possible. Deal more than concrete at this stage.
…and Borussia Dortmund keep working also on new left back to be signed in the next days. 👀 pic.twitter.com/aQlrCw5edw
— Fabrizio Romano (@FabrizioRomano) January 3, 2024
