یاریگا –
لیۆناردۆ بۆنوچی، بەرگریكاری ئیتاڵی یانەی یونیەن بەرلینی ئەڵمانی دووپاتیكردەوە یانەی مانچێستەر سیتی ئینگلیزی هەوڵی گواستنەوەی داوە.
لە گواستنەوەكانی هاوینی رابردوودا بۆنوچی ریزەكانی یوڤێنتوسی جێهێشت و پەیوەندی بە یونیەن بەرلینەوە كرد.
⚽️ Leonardo Bonucci (Union Berlin) dice que el entrenador del Manchester City le quiso en 2016, pero que prefirió seguir en la Juventushttps://t.co/QbHqgvJMaG
— Mundo Deportivo (@mundodeportivo) January 2, 2024
لە لێدوانێكیدا بۆ رۆژنامەی مۆندۆ دیپۆرتیڤۆ بەرگریكارە ئیتاڵیەكە گوتی:
لە ساڵی 2016 نزیك بووم لە پەیوەندیكردن بە مانچێستەر سیتیەوە، بە ئۆفەرێك بە بەهای 100 ملیۆن یۆرۆ بۆ یوڤێنتوس، بەڵام بڕیاری مانەوەم لە یانەكەم دا.
ئەستێرەكەی پێشووی خانمە پیرەكە گوتیشی:
هەروەها تاساڵی 2017ش چەند گفتۆگۆیەك هەبوو, تا لە كۆتاییدا یوڤێنتوس منی بۆ فرۆشتن دانا، بێگومان یاریكردن لە ژێر دەستی پێپ گواردیۆلا نایاب و سەرنجڕاكێشە و ئاستت بەرەو پێشەوە دەبات.
بەردەوام بوو گوتیشی:
لە راستیدا لە ژیانی پیشەیی خۆمدا چەندین خەڵاتم بەدەستهێناوە. هەمیشە رێگەم داوە دڵم رێنماییم بکات، هەر بۆیەش لە یوڤێنتوس ماومەتەوە.
بۆنوچی لەگەڵ یوڤێنتوس 502 یاری كردووە و 37 گۆڵی كرد و 10 گۆڵیشی بۆ خانمە پیرەكە درووستكرد.
