سەڵاح لەم حەوت ئامارەدا پێشەنگی یاریزانانی پریمەرلیگە
یاریگا –
موحەمەد سەڵاح بە باشترین کاتەکانی خۆیدا تێدەپەڕێت و ئامارەکانی پادشا میسریەکە بێ هاوتان لەم وەرزەی پریمەرلیگ.
دوێنێ شەو لە میانی یارییەکانی هەفتەی 20ی پریمەرلیگ، لیڤەرپول توانی 4-2 شکست بە نیوکاسڵی میوانی بهێنێت. لەو ڕووبەڕوو بوونەوەیەی کە تێیدا سەڵاح وەک باشترین پیاوی یارییەکە توانی دوو گۆڵ و ئەسیستێک بەرهەمی بێت.
گۆڵکارەکەی ڕێدز لە دەستپێکی ئەم وەرزەوە تا ئێستا، کۆمەڵێک ئاماری بۆ خۆی تۆمار کردووە بە جۆرێک لە هەموویاندا پێشەنگە.
- گۆڵکاری پریمەرلیگە بە 14 گۆڵ و یەکەمە.
- گۆڵدروستکارە بە 8 ئەسیست و یەکەمە.
- خاوەنی 33 لێدانە بۆ چوارچێوەی گۆڵ و یەکەمە.
- 46 هەلی گۆڵکردنی ڕەخساندووە لە تۆپ لە یاریی کراوە و، یەکەمە.
- 17 هەلی گەورەی گۆڵکردنی ڕەخساندووە و بێ ڕکابەرە.
- گۆڵکردن لەو هەلانەی بۆی ڕەخسێنراوە 12. لەم ژمارەیش هەر خۆی یەکەمە.
- بەرکەوتنی قاچی بە تۆپ 163 جار لە ناوچەی سزای دژبەر. لەم ئامارەیش سەڵاح یەکەمە.
Mohamed Salah in the Premier League this season:
🥇 Goals: 14 (1st)
🥇 Assists: 8 (1st)
🥇 Shots on target: 33 (1st)
🥇 Open-play chances created: 46 (1st)
🥇 Big chances created: 17 (1st)
🥇 Big chances scored: 12 (1st)
🥇 Touches in opposition box: 163 (1st) pic.twitter.com/vagTd9VJHM— Mail Sport (@MailSport) January 2, 2024
بەو بردنەوەیە، کوڕانی یۆرگن گڵۆپ جیاوازیی خاڵەکانی لەگەڵ ئەستۆن ڤیلای پلەی دووەم بەرزکردەوە بۆ سێ خاڵ و خۆیان لە پێشەنگ قایمتر کرد. دوای یارییەکەیش سەڵاح بە ورەیەکی بەرزەوە ڕووی لە وڵاتەکەی کردووە بۆ خۆئامادەکردن بۆ یارییەکانی جامی نەتەوەکانی ئەفریقا, ئەو نازناوەی کە سەڵاح لێی بێبەشە و تینووی بەدەستهێنانێتی دوای دوو جار گەیشتنی بە یاریی کۆتایی لە وەشانەکانی 2017 و 2021.
