یاریگا –
دۆمینیک سۆبۆسلای، یاریزانی هێڵی ناوەڕاستی لیڤەرپوول تووشی پێکان بووە.
یورگن کڵۆپ، بەڕێوەبەری هونەری لیڤەرپوول دووپاتیکردەوە، سۆبۆسلای تووشی پێکانی ران بووە و بۆ ماوەیەک دووردەکەوێتەوە.
سۆبۆسلای لە خولەکی 64ی گێمی دووەمی یاری رابردووی لیڤەرپوول بەرامبەر نیوکاسڵ 4-2 تووشی پێکان بوو و راین گراڤنبێرخ شوێنیگرتەوە.
Jürgen Klopp confirmed Dominik Szoboszlai sustained a hamstring injury during our 4-2 win over Newcastle United.
— Liverpool FC (@LFC) January 1, 2024
ئەستێرە هەنگارییەکە بە شەلەشەل یاریگای جێهێشت و نەیتوانی یارییەکە تەواو بکات. کڵۆپ لەبارەی پێکانەکەی سۆبۆسلای روونیکردەوە
هەرچەندە پێش ئەوەی تووشی پێکان ببێت، پلانی گۆڕانکاریم بۆ دانابوو، بەڵام بەداخەوە گۆڕانکارییەکە خولەکێک دواکەوت و سۆبۆسلای تووشی پێکانی ران بوو. هیچ زانیارییەکی وردمان لەلا نییە، بەڵام دەبێ چاوەڕێ بکەین.
ئەمڕۆ پشکنینی تەواو بۆ سۆبۆسلای دەکرێت و رەنگە بەشداری لە یاری داهاتووی لیڤەرپوول لە جامی FA لە بەرامبەر ئارسیناڵ نەکات.
لە جامی کاراباو، 10ی ئەم مانگە لیڤەرپوول لە ئانفیڵدڕۆد میوانداری فولهام دەکات و لە 21ی ئەم مانگە یارییەکانی پرێمەرلیگ لە بەرامبەر بۆرنمس دەستپێدەکاتەوە.
