ئه‌ڵقه‌ی هاوسه‌رگیرییه‌كه‌ی بۆ ده‌دۆزێته‌وه، كڵۆپیش په‌یامێكی كۆمێدی بۆ ده‌نێرێت
یاریگا-
یۆرگن کڵۆپ ئه‌ڵقه‌ی هاوسه‌رگیری ونده‌كات و فۆتۆگرافه‌رێك ده‌یدۆزێته‌وه.
یۆرگن کڵۆپ لەگەڵ هاندەرانی لیڤەرپوول ئاهەنگی دەگێڕا به‌بۆنه‌ی سه‌ركه‌وتنیان به‌سه‌ر نیوكاسڵ، ئەڵقەی هاوسەرگیرییەکەی کەوتە خوارەوە ونبوو، ئەویش بەدوایدا دەگەرا، دواتر فۆتۆگرافه‌رێك دۆزیه‌‌وه كلۆپیش لەبەردەم کامێرا ماچی كرد.
لە لێدوانەکانیدا بۆ تۆڕی سکای سپۆرتس، سەبارەت بەم بابەتە به پێكه‌نینه‌وه گوتی، بەڕاستی دەکرا ونكردنی ئه‌م ئه‌ڵقه‌یه ترسناک بێت، جارێک لە دەریادا ونمكرد، پێویستم بە غەواسێکی پیشەگەر بوو بیدۆزێته‌وه، شۆکێکی گەورە بوو بەڵام ئه‌وكات به هێمنی تێپەڕی.
گوتیشی: بەهۆی فۆتۆگرافەرەکەوە دۆزیمەتەوە، پێی دەڵێم ئێستا تۆ ئەفسانەی منی، ئێستا دەتوانێت بە هەر شێوەیەک بیەوێت لە نزیکەوە وێنەی دەموچاوەکەم بگرێت.
لە گەڕی 20ی پرێمه‌رلیگ لیڤەرپوول به‌رامبه‌ر نیوكاسڵ یونایتد یاریكرد و بە ئەنجامی 4-2 یارییه‌كه‌ی برده‌وه و به كۆكردنه‌وه‌ی 45 خاڵ پێشه‌نگی له خوله‌كه به‌هێزتر كرد.
