یاریگا –
یانەی بارسێلۆنای ئیسپانی سورپرایزێكی گەورەی بۆ گواستنەوەی مەیسن گرینوود یاریزانی ئینگلیزی یانەی مانچێستەر یونایتدی هەمان وڵات ئامادە دەكات.
گرینوود لە گواستنەوەكانی هاوینی ئەمساڵدا بە شێوەی خواستن پەیوەندی بە ریزەكانی خێتافی ئیسپانیەوە كرد.
🚨 Barcelona don offer Mason Greenwood their No. 10 shirt. 👀 pic.twitter.com/FMxD60yt6J
— MUIP (@ManUtdInPidgin) December 30, 2023
بەپێی زانیارییەكانی رۆژنامەی زە سەن ئاستە بەرزەكەی گرینوود لەگەڵ خێتافی سەرنجی بارسێلۆنای بۆ لای خۆی راكێشاوە.
بەپێی زانیارییەكانی هەمان سەرچاوە، یانە كەتەلۆنییەكە پلانی گواستنەوەی هێرشبەرە ئینگلیزیەكەی داناو. لە دوای كۆتاییهاتنی ماوەی خواستنەكەی و گەڕانەوەی بۆ ریزەكانی مانچێستەر یونایتد.
لە راپۆرتەكەشدا هاتووە، بارسێلۆنا ئامادەیی نیشاندەوە ژمارە 10 ژمارەی درێسی ئەفسانەی مێژووی یانەكەیان لیۆنێل مێسی كە ئێستا لە ریزەكانی ئینتەر مەیامی یاری دەكات بدات بە یاریزانەكە.
ئاماژە بەوەشكراوە، چاوەڕوان دەكرێت بەهای گرینوود بگاتە 40 ملیۆن پاوەند دوای ئەو ئاستە بەرزەی لەگەڵ خێتافی پێشكەشی دەكات.
گرینوود لەم وەرزەی لالیگا بەشداری لە 14 یاریدا كردووە و توانیویەتی سێ گۆڵ بكات و چوار گۆڵیش درووست بكات.
