یاریگا-
ماسۆن گرینوود، یاریزانی مانچستەر یونایتد کە بە خواستن بۆ خێتافی یاری ده‌كات، بۆته ئامانجی یانه‌ی بارسێلۆنا.
ڕۆژنامەی زه‌سەنی بەریتانی بڵاویكرده‌وه، یانە کاتەلۆنییەکە ئامادەیە بڕی 40 ملیۆن یۆرۆ بۆ گواستنەوەی ئەو یاریزانە تەمەن 22 ساڵیه پێشكه‌ش به مان یونایتد بكات.
پێگه‌كه ئاماژه‌ی به‌وه‌شكردووه، یاریزانه‌كه كارگێری بارسای سەرسامکردووە، ئەمەش وایکردووە، ببێتە به‌ربژێرێكی به‌هێز بۆ په‌یوه‌ندیكردن به ڕیزەکانی بلاوگرانا.
جگە له‌مه‌ش باسا ده‌یه‌وێت، درێسە ئایکۆنییەکه‌ی ژماره 10 بداتە گرینوود، کە لیۆنێل مێسی ئەفسانەی یانه‌كه تا ساڵی 2021 ده‌یپۆشی.
گرینوود دوای ساڵ و نیوێک لە سڕکردنی بەهۆی تێوەگلانی لە دۆسیەیەکی دەستدرێژی بۆ سەر خۆشەویستەکەی زینداریكرا، دواتر به‌شێوه‌ی خواستن رووی له یانه‌ی خێتافی كرد له‌گه‌ڵ یانه‌كه به‌شداری 14 یاری كردووه، چوار ئه‌سیست و سێ گۆڵی هه‌یه.
