یوڤێنتوس یاریزانێكی مانچێستەر سیتی دەوێت
یاریگا –
راپۆرتە رۆژنامەوانیەكان ئاشكرایانكرد، یانەی یوڤێنتوسی ئیتاڵی یەكێك لە یاریزانەكانی هێڵی ناوەندی یانەی مانچێستەر سیتی ئینگلیزی دەوێت.
یوڤێنتوس دەیەوێت ریزەكانی یانەكەی پتەتر بكات بەمەبەستی ركابەریكردن لەسەر بردنەوەی نازناوەكان.
⚪️⚫️ Juventus remain in talks with Man City over loan deal for Kalvin Phillips, as revealed two weeks ago.
Negotiations are still on, Newcastle also keen but no formal approach with City yet. https://t.co/GQjggfUw7Z
— Fabrizio Romano (@FabrizioRomano) December 29, 2023
بەپێی زانیارییەكانی رۆژنامەنوسی ئیتاڵی فابریزیۆ رۆمانۆ، یوڤێنتوس لە گفتۆگۆی فەرمیدایە لەگەڵ مانچێستەر سیتی بەمەبەستی گرێبەستكردن لەگەڵ كاڵڤن فیلیپس ناوەڕاستكاری ئینگلیزی یانەكەی.
فابریزیۆ ئەوەشی ئاشكرا كردووە، خانمە پیرەكە دەیەوێت بە شێوەی خواستن یاریزانەكە بگوازێتەوە ریزەكانی یانەكەی.
هەروەها یانەی نیوكاسڵ یونایتدی ئینگلیزیش هەوڵی گواستنەوەی تواناكانی كاڵڤن فیلیپس دەدات، بەڵام تا ئێستا هیچ گفتۆگۆیەكی فەرمی نیە.
لە گواستنەوەكانی هاوینی ساڵی 2022 كاڵڤن فیلیپس لە ریزەكانی لیدز یونایتدەوە بە بەهای 49 ملیۆن یۆرۆ پەیوەندی بە مانچێستەر سیتیەوە كرد.
ناوەڕاستكارە ئینگلیزیەكە لەگەڵ مانچێستەر سیتی 31 یاری كردووە و توانیویەتی یەك گۆڵ بكات.
