یاریگا –
كارلۆ ئانچێلۆتی، راهێنەری ئیتاڵی یانەی ریال مەدریدی ئیسپانی، گرێبەستەكەی لەگەڵ یانەكەی نوێ دەكاتەوە.
كارلۆ ئانچێلۆتی لە هاوینی ساڵی 2021 پۆستی راهێنەرایەتیكردنی ریال مەدریدی گرتە ئەستۆ و گرێبەستەكەشی لەگەڵ ئەو یانەیە لە هاوینی ساڵی 2024 بەسەردەچێت.
لە دوای دووبارە وەرگرتنەوەی ئەركی راهێنەرایەتیكردنی یانە شاهانەكە، كارلۆ ئانچێلۆتی نازناوەكانی چامپیۆنزلیگ، جامی جیهانی یانەكان، لالیگا، سوپەری ئەوروپا و جامی شای بردووەتەوە.
🚨 Carlo Ancelotti has told his family that he’s very happy in Madrid & that if there is any chance of renewing his contract, he will do so without hesitation. Money is not an issue.
Real Madrid have set a date after the Spanish Super Cup to discuss the possibility. @diarioas pic.twitter.com/qOxphz6skb
— Madrid Xtra (@MadridXtra) December 28, 2023
بەپێی زانیارییەكانی رۆژنامەی ئاس، كارلۆ ئانچێلۆتی زۆر نزیكە لە نوێكردنەوەی گرێبەستەكەی لەگەڵ ریال مەدرید.
هەمان سەرچاوە ئەوەشی ئاشكرا كردووە، یانەكە دڵخۆشە بە هەبوونی و پلانی داهاتوویان كۆبوونەوەیەك لەگەڵیدا لە دوای كۆتاییهاتنی سوپەری ئیسپانیا باس دەكەن.
✨ ¡Buenas noches! Esta es nuestra #PortadAS de hoy, jueves 28 de diciembre
📰 BRASIL PUEDE ESPERAR pic.twitter.com/gj4SE61w4W
— Diario AS (@diarioas) December 27, 2023
لای خۆیەوە راهێنەرە ئیتاڵیەكە مانەوە لە ریال مەدرید هەڵدەبژێرێت وەك لە وەرگرتنی ئەركی راهێنەرایەتیكردنی هەڵبژاردەی بەڕازیل.
لە راپۆرتەكەی ئاسدا هاتووە، ئانچێلۆتی لەگەڵ خێزان و كوڕەكەی قسەیكردووە، دووپاتیكردووەتەوە كە لە مەدرید زۆر دڵخۆشە و ئەگەر ئەگەرێك هەبێت بۆ نوێكردنەوەی گرێبەستەكەی، ئەوا راستەوخۆ و بە بێ هیچ دوودڵیەك ئەو كارە دەكات.
لە كۆتایی راپۆرتەكەشدا هاتووە، گرێبەستە نوێیەكەی كارلیتۆ لەگەڵ یانە شاهانەكە تا هاوینی ساڵی 2025 دەبێت.
ریال مەدرید بە كۆكردنەوەی 45 خاڵ لەپێشەنگی ریزبەندی لالیگا دێت و لە قۆناخی شازدەی چامپیۆنزلیگیش بەرامبەر یانەی لایپزیگ یاری دەكات.
