یاریی نێوان شیفیڵد و لوتۆن تاون ڕووداوێکی مێژوویی بەخۆوە بینی

یاریگا –

خولی ئینگلیزی بۆ یەکەمین جار دوای 15 ساڵ ناوبژیوانێکی ڕەشپێستی بەخۆوە بینی.

لە ماوەکانی ڕابردوودا لەنێو شەقامی وەرزشی ئینگلیزی و میدیای ئەو وڵاتەدا هەمیشە پرسی نەبوونی ناوبژیوانی ڕەشپێست لە خولە جیاوازەکاندا جێی مشتومڕ بووە.

یاریی ئەمڕۆی نێوان شیفڵد یونایتدو لوتن تاون لە میانی گەڕی 19ی پریمەریگ، ڕووداوێکی مێژووی بەخۆوە بینی کە تێیدا بۆ یەکەمین جار دوای 15 ساڵ، ناوبژیوانێکی ڕەشپێست، سام ئەلیسۆن یارییەکە بەڕێوە ببات.

کۆتا ناوبژیوانی ڕەشپێست یارییەکی پریمەرلیگی بەڕێوەبردبێت، یوریا ڕێنی بوو لە ساڵی 2008.