یاریگا –
خیسۆس کاساس لە نێوان دوو هێرشبەری کورد دوو دڵە بۆ ئەوەی بانگهێشتی جامی ئاسیایان بکات.
وابڕیارە لەم هەفتەیە خیسۆس کاساس راهێنەری ئیسپانی هەڵبژاردەی عێراق لیستی یاریزانە بانگهێشتکراوەکانی هەڵبژاردەکەی کە وابڕیارە لە 26 یاریزان پێکبێت، بۆ جامی ئاسیا ئاشکرا بکات، کە رۆژی 12ـی مانگی داهاتوو لە قەتەر دەستپێدەکات.
بەگوێرەی زانیارییەکانی میدیا عێراقییەکان، کاساس بڕیاریداوە بۆ هێلی هێرشبردن بانگهێشتی هەریەکە لە ئەیمەن حوسێن، عەلی حەمادی و موهەنەد عەلی (میمی) بکات، بەڵام تاوەکو ئێستا بۆ بانگهێشتکردنی هێرشبەری چوارەم خۆی یەکلانەکردووەتەوە.
𝐌𝐚𝐠𝐢𝐜 𝐌𝐨𝐦𝐞𝐧𝐭𝐬 𝐁𝐫𝐚𝐜𝐤𝐞𝐭 𝐂𝐡𝐚𝐥𝐥𝐞𝐧𝐠𝐞 🌟Quarter Finals:
🇮🇶Mesopotamian Lion's AFC Asian Cup glory?Vote now and stand a chance to win a dream trip to Saudi Arabia
Visit the link: https://t.co/DkcYi7PnJX#AsianCup2023 #VisitSaudi #MagicMoments pic.twitter.com/920Qayl8ON— #AsianCup2023 (@afcasiancup) December 23, 2023
کاساس لە نێوان پەشەنگ عەبدوڵڵا هێرشبەری یانەی دێگێرفۆرسی سویدی و ئاسۆ رۆستەم هێرشبەری هەولێر یەکێکیان هەڵدەبژێرێت بۆ ئەوەی بانگهێشتی جامی ئاسیای بکات و بیکاتە هێرشبەری چوارەمی هەڵبژاردەکەی.
هەڵبژاردەی عێراق لە جامی ئاسیا لە کۆمەڵەی چوارەم هاوشانی ژاپۆن و ڤیێتنام و ئیندۆنیزیا یاریی دەکات، کە شێرەکانی رافیدەین نۆ جار بەشدارییان کردووە و ساڵی 2007 بۆ جاری یەکەم جامەکەیان بەرزکردەوە.
