یاریگا –
لویس سوارێز، ئەستێرەی پێشووتری یانەی بارسێلۆنای ئیسپانی پەیوەندی بە ئینتەر مەیامی ئەمریكیەوە دەكات.
لە ماوەی چەندی رۆژی رابردوودا لویس سوارێز كۆتا یاری خۆی بە درێسی یانەی گریمۆی بەڕازیلیەوە كرد و ئێستا یاریزانەكە بێ یانەیە.
سوارێز (36 ساڵ)، لەگەڵ گریمیۆ کە ئەمساڵ پەیوەندیی بە یانە بەڕازیلییەکە کرد، لەکۆی 45 یاری 24 گۆڵی تۆمارکرد و ماڵئاوایی لەو یانە بەڕازیلییە کرد.
لە گواستنەوەكانی هاوینەدا و دوای كۆتاییهاتنی گرێبەستەكەی لەگەڵ پاریس سانجێرمانی فەڕەنسی لیۆنێل مێسی پەیوەندی بە ئینتەر مەیامی ئەمریكیەوە كرد.
🚨🇺🇾 Luís Suárez to Inter Miami, all set to be sealed and announced — here we go!
Contract ready after verbal agreement reached one month ago — one-year deal for Suárez.
Deal will also include an option for further season.
Messi and Suárez, together again. 👚🔫 pic.twitter.com/Vf9ytZNlJP
— Fabrizio Romano (@FabrizioRomano) December 22, 2023
كەمێك پێش ئێستا فابریزیۆ رۆمانۆ لە هەژماری تایبەتی خۆی لە پلاتفۆرمی ئێكس ئاشكرایكرد، لویس سوارێز بۆ ئینتەر مەیامی، هەموو شتێك ئامادەیە بۆ راگەیاندنی گرێبەستەكە.
ئاماژەی بەوەشكردووە، گرێبەستەكە ئامادەیە دوای ئەوەی مانگی رابردوو رێككەوتنی زارەكی كرا، گرێبەستەكە بۆ ماوەی یەك ساڵە.
رۆژنامەنووسە ئیتاڵیەكە ئەوەشی ئاشكراكردووە، هەروەها لە گرێبەستەكەیدا بژاردەی نوێكردنەوەی بۆ وەرزێكی دیكە لە خۆ دەگرێت.
مێسی و سوارێز شەش ساڵ لە یاریگای کامپ نۆو بەیەکەوە یارییان کردووە و چوار نازناوی لالیگا و نازناوێكی چامپیۆنزلیگ و چەندین نازناوی دیكەیان بەدەستهێناوە.
