یاریگا

ڕاپۆرت: ئاڵتونی ئۆڵۆمپیاد بەڕازیل و مەکسیک بەگژ یەکدا دەکاتەوە

لە ئۆڵمپیادی لەندەن هەردوو هەڵبژاردەی بەرازیل و مەكسیك بەشایستەیی گەیشتنیان بەیاریی كۆتایی مسۆگەركرد و رۆژی یەكشەمە کاتژمێر پێنجی ئێوارە لەسەر یاریگای ویمبڵی ناودار بۆ بردنەوەی مەدالیای ئاڵتون رووبەروودەبنەوە.
چۆنیەتی گەیشتنی هەردوو هەڵبژاردەكە
هەڵبژاردەی سامبای بەرازیلی لەیاریەكانی ئۆڵۆمپیاد بەسەركردایەتی نیمارداسیلڤا و ئۆسكار و دامیاو توانیویانە ئاستێكی بەرز پێشكەش بكەن و هەرلەسەرەتاوە بەپاڵێوراوێكی بەهێزی بردنی مەدالیای ئاڵتون دەستنیشانكراون. لەقۆناغی كۆمەڵەكاندا سامبا تاكە هەڵبژاردە بوو بە سێ سەركەوتن بگاتە قۆناغی دووەم پاش بردنەوە لە میسر(3-2) و بیلاروسیا (3-1) و نیوزیلەندا (3-0) كەئەمەش مەترسی هێڵی هێرشبردنی ئەو هەڵبژاردەی سەلماند و لەچارەكی كۆتاییش |(3-2) لەهیندۆراسیان بردەوە. دواتریش لەقۆناغی پێش كۆتاییدا (3-0) کۆریای باشوریان بەزاند و گەیشتن بەیاریی كۆتایی.
بەرازیلیەكان لەم ئۆڵۆمپیادەدا جگە لەئاستە بەرزەكەی نیمار و ئۆسكار بونەتە خاوەنی گۆڵكارێكی بەتوانا كەئەویش دامیاوی خاوەن 6گۆڵ و گۆڵكاری پاڵەوانەتیەكەیە.
لەبەرامبەردا هەڵبژاردەی مەكسیكیش ئاستێكی بەرزی نمایشكردووە و هاوشێوەی بەرازیل بەوپەری سەربەرزیەوە گەیشتۆتە یاریی كۆتایی، مەكسیكیەكان بەسەركردایەتی دۆس سانتۆسی ئەستێرەی پێشوی بەرشەلۆنە لەقۆناغی كۆمەڵەكاندا توانیان بەكۆكردنەوەی حەوت خاڵ بگەنە چارەكی كۆتایی، لەقۆناغی چارەكی كۆتایش مەكسیك (4-2) سەركەوت بەسەر سەنیگالدا و لەپێش كۆتاییش (3-1) لەیابانیان بردەوە و گەیشتنیان بەیاریی كۆتایی مسۆگەركرد.
بەرازیل پادشای خۆی دەسەلمێنێتەوە یاخود مەكسیك جارێكیتر دەبێتەوە بەربەست لەبەردەمیدا
دیاریكردنی پاڵەوانی ئۆڵۆمپیاد تارادەیەكی زۆر گرانە و هەردوو هەڵبژاردەی بەرامبەر بەیەك خاوەنی مێژویەكی پرشنگدارن لەیاریی تۆپی پێدا كەبەرازیلیەكان شانازی بە ناساندیانەوە دەكەن وەك پادشای تۆپی پێی و مەكسیكیش ئەگەر چی مێژوویان زۆر پرشنگداریان نیە ، بەڵام شانازی بەمێژوی رووبەروبونەوەكانیان دەكەن لەگەڵ بەرازیلیدا كەبەردەوام هاوشێوەی فەرەنسا بونەتە بەربەستێكی گەورە بۆ سامبا.
نیمار یاخود دۆس سانتۆس دەبێتە خاوەنی مەدالیای ئاڵتون
ئەم دوو هەڵبژاردەیە ئەگەرچی خاوەنی چەند ئەستێرەیەكی بەتوانان بەڵام چاوەرێدەكرێت یاریی كۆتایی لەسەردەستی ئاستی دوو یاریزان یەكلابێتەوە كەئەویش نیمار داسیلڤای هێرشبەری یانەی سانتۆس و هەڵبژاردەی بەرازیلە كەخاوەنی 3گۆڵە لەیاریەكانی ئۆڵۆمپیاد و لەریزی مەكسیكیش جیۆڤانی دۆس سانتۆسی دەرچوی قوتابخانەی یانەی بەرشەلۆنە كەلەریزەكانی تۆتنهامی ئینگلیزی یارییدەكات و بەهەمان شێوەش ئەمیش خاوەنی 3گۆڵە.

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close