یاریگا –
خوان لاپۆرتا لەبارەی چارەنووسی چاڤی بڕیاری یەکلاکەرەوەی داوە و ئەم بابەتەی لەناو دەستەی کارگێڕی یانەی بارسێلۆنا یەکلاکردووەتەوە.
رۆژنامەی سپۆرتی کەتەلۆنی ئاشکرایکردووە، خوان لاپۆرتا سەرۆکی یانەی بارسێلۆنای ئیسپانی بڕیاریداوە چاڤی هێرناندێز راهێنەری یانەکە تاوەکو کۆتایی ئەم وەرزە لە پۆستی راهێنەرایەتی یانە کەتەلۆنییەکە بەردەوام بێت.
رۆژنامە کەتەلۆنییەکە ئاشکرایکردووە، هەرچییەک رووبدات، چاڤی تاوەکو کۆتایی ئەم وەرزە لە راهێنەرایەتی بلاوگرانا بەردەوام دەبێت، کە بارسێلۆنا لەم وەرزە لە لالیگا بە کۆکردنەوەی 35 خاڵ لە پلەی سێیەم دێت و نۆ خاڵ لەدواوەی جیرۆنای یەکەم و هەشت خاڵ لەدواوەی ریال مەدریدی دووەم دێت، لە چامپیۆنزلیگیش لە قۆناخی 16 رووبەڕووی ناپۆلی ئیتاڵی دەبێتەوە.
