تیروپشکی قۆناخی 16ـی چامپیۆنزلیگ راکێشرا؛ بارسێلۆنا و ناپۆلی رووبەڕوو دەبنەوە

یاریگا –

لە شاری نیۆن لە سویسڕا تیروپشکی قۆناخی 16ـی چامپیۆنزلیگ راکێشرا، رووبەڕووبوونەوەی ناپۆلی ئیتاڵی و بارسێلۆنای ئیسپانی دیارترین و بەهێزترین رووبەڕووبوونەوەی قۆناخی داهاتووی چامپیۆنزلیگ دەبێت، مانچێستەر سیتی پاڵەوانی وەرزی رابردووش رووبەڕووی کۆپێنهاگنی دانیمارکی دەبێتەوە.

ئەنجامی تیروپشکی قۆناخی 16ـی چامپیۆنزلیگ:

پۆرتۆی پۆرتوگاڵی VS ئارسێناڵی ئینگلیزی

ناپۆلی ئیتاڵی VS بارسێلۆنای ئیسپانی

پاریس سانجێرمانی فەرەنسی VS ریال سۆسیدادی ئیسپانی

ئینتەر میلانی ئیتاڵی VS ئاتلێتیکۆ مەدریدی ئیسپانی

ئایندهۆڤنی هۆڵەندی VS بۆڕووسیا دۆرتمۆندی ئەڵمانی

لازیۆی ئیتاڵی VS بایرن میونشنی ئەڵمانی

کۆپێنهاگنی دانیمارکی VS مانچێستەر سیتی ئینگلیزی

لایپزیگی ئەڵمانی VS ریال مەدریدی ئیسپانی

یارییەکانی چوونی قۆناخی 16 رۆژانی 13 و 14 و 20 و 21ـی فێبرایەر دەکرێن، یارییەکانی گەڕانەوەش رۆژانی 5 و 6 و 12 و 13ـی مارس دەکرێن، یاریی کۆتایی ئەم وەرزەش رۆژی 1ـی یۆنیۆ لە یاریگای وێمبلی لە لەندەن بەڕێوە دەچێت.

https://www.facebook.com/Yariga/posts/pfbid02FLuccSXKqXFz1pCPiwWL8HVaMzdrqW9bNDCC17gmMs3DULzMmXtQQaqX5VeMHX4fl

بارسێلۆنا لە مێژوودا، چوار جار رووبەڕووی ناپۆلی بووەتەوە، هەرگیز یانە کەتەلۆنییەکە هیچ یارییەکی بەرامبەر یانەکەی دیێگۆ ئارماندۆ ماڕادۆنا نەدۆڕاندووە، لەکۆی چوار رووبەڕووبوونەوە بارسا دوو بردنەوەی بەدەستهێناوە و لە دوو یارییش یەکسان بوون.

ریال مەدریدیش بەرامبەر لایپزیگ دوو یارییان کردووە، هەریەکێکیان بردنەوەیەکیان بەدەستهێناوە، ئارسێناڵیش بەرامبەر پۆرتۆ باڵادەستە، لەکۆی شەش رووبەڕووبوونەوەیان گەنەرز سێ بردنەوەی بەدەستهێناوە و لە دوو یاریش یەکسان بوون.

https://www.facebook.com/YarigaWeb/videos/2384535718386605

ئەو یانانەی بە پلەی یەکەمی کۆمەڵەکانیان سەرکەوتن: بایرن میونشنی ئەڵمانی، ئارسێناڵی ئینگلیزی، ریال مەدریدی ئیسپانی، ریال سۆسیدادی ئیسپانی، ئاتلێتیکۆ مەدریدی ئیسپانی، بۆڕووسیا دۆرتمۆندی ئەڵمانی، مانچێستەر سیتی ئینگلیزی، بارسێلۆنای ئیسپانی.

ئەو یانانەی بە پلەی دووەمی کۆمەڵەکانیان سەرکەوتن: کۆپێنهاگنی دانیمارکی، ئایندهۆڤنی هۆڵەندی، ناپۆلی ئیتاڵی، ئینتەر میلانی ئیتاڵی، لازیۆی ئیتاڵی، پاریس سانجێرمانی فەرەنسی، لایپزیگی ئەڵمانی، پۆرتۆی پۆرتوگاڵی.