یاریگا –
هاری کەین، ئەستێرەی ئینگلیزی لە ریکۆرد شکاندن ناوەستێت و ئێوارەی دوێنێ یەکشەممە، ریکۆردێکی ئێرلینگ هالاندی یەکسانکردەوە.
هاری کەین، دوو گۆڵی لە کۆی سێ گۆڵ لە یانەی شتوتگارت کرد و بەڕۆژووبوونی خۆی لە گۆڵکردن شکاند.
کەین بەو دوو گۆڵە، بووە هاو-خێراترین یاریزان لە مێژووی بۆندسلیگادا بە کەمترین یاری 20 گۆڵ بکات. ئەستێرەکەی میونشن لە 14 یاریدا 20 گۆڵی لە بۆندسلیگا کردووە.
Last season, Erling Haaland broke the record for the fewest games needed to score 20 Premier League goals after joining from the Bundesliga (14).
This season, Harry Kane has broken the record for the fewest games needed to score 20 Bundesliga goals after joining from the Premier… pic.twitter.com/5QayEiqmp4
— Squawka (@Squawka) December 17, 2023
هێرشبەری پێشووی تۆتنهام لە هاوینی رابردوودا پەیوەندی بە یانەکەی هەرێمی باڤاریا کرد، هەر لە یەکەم وەرزەدا چەند ریکۆردێکی شکاند و ئێستا هاوشانی هالاند خاوەنی گەیشتن بە 20 گۆڵە بە کەمترین یاری.
کەین یەکێکە لە دیارترین ئەستێرەکانی ئەم وەرزەی بۆندسلیگا، لە کۆی 24 گۆڵی لە 21 یاریدا کردووە و هەشت ئەسیستیشی هەیە.
چوارشەممە میونشن رووبەڕووی فۆڵفسبورگ دەبێتەوە و دواتر بە بۆنەی جەژنەکانی کریسمس و سەری ساڵ، پشووی یانە باڤارییەکە دەستپێدەکات.
