یاریگا –
ریال مەدرید لە سەرەتای ساڵی نوێ، ئۆفەرێکی فەرمی بۆ گواستنەوەی ئێمباپێ، پێشکەش بە پاریس سانجێرمان دەکات.
رۆژنامەی ئاس دووپاتیدەکاتەوە، بۆ گواستنەوەی کیلیان ئێمباپێی فەڕەنسی، یانەی ریال مەدرید، لە سەرەتای مانگی یەکی ساڵی نوێدا، ئۆفەرێکی فەرمی پێشکەش بە یانەی پاریس سانجێرمان دەکات.
بەپێی هەمان سەرچاوە، لەدوای پێشکەشکردنی ئۆفەرەکە، ریال مەدرید 15 رۆژ موڵەت بە یاریزانەکە دەدات، ناوبراو پێویستە لەو ماوەیەدا وەڵامی کۆتایی مێرێنگی بداتەوە و بڕیاری کۆتایی بدات.
💤 ¡Buenas noches! Esta es nuestra #PortadAS de hoy, viernes 15 de diciembre
🗞️🐢 NO A CUALQUIER PRECIO pic.twitter.com/EdSH2V4Phe
— Diario AS (@diarioas) December 14, 2023
ئاس ئاماژەی بەوەشکردووە، مەدرید لە مێرکاتۆی زستانە هیچ یاریزانێک ناگوازێتەوە، تەنیا دەیانەوێت رێککەوتنی پێشوەختە لەگەڵ کیلیان بکەن و لە هاوینی داهاتوو بەبێ بەرامبەر یاریزانەکە بگوازنەوە سانتیاگۆ بێرنابیۆ.
یاریزانە تەمەن 24 ساڵانییەکە لە هاوینی داهاتوو گرێبەستەکەی لەگەڵ پاریس کۆتایی دێت، دەتوانێت لە مانگی داهاتوو بەشێوەی ئازاد لەگەڵ هەر یانەیەک رێکبکەوێت کە خۆی بیەوێت و لە هاوینیشدا پەیوەندی پێوەبکات.
کیلیان بە درێسی یانە فەڕەنسییەکە تا ئێستا 280 یاری کردووە، 230 گۆڵی کردووە و 100 گۆڵیشی درووستکردووە، بەڵام پێدەچێت ئەم وەرزە کۆتا وەرزی بێت لە یاریگای پارک دۆ پرێنس و وەرزی داهاتوو لە یاریگا قەشەنگەکەی سانتیاگۆ بێرنابیۆ درێژە بە کاروانی وەرزشی بدات.
🚨💣 Real Madrid will send their contract offer to Kylian Mbappé soon after New Years. @diarioas #rmalive pic.twitter.com/ge7Lz0MTsI
— Madrid Zone (@theMadridZone) December 15, 2023
