یاریگا –
یانەکان لە ساڵی 2023 بڕی 888.1 ملیۆن دۆلاریان لە خزمەتگوزاری بەڕێوەبەری کارەکانی یاریزانان خەرج کردووە.
فێدراسیۆنی تۆپی پێی نێودەوڵەتی ‘فیفا’ بڵاویکردووەتەوە، بەراورد بە ساڵی رابردوو خەرجییەکان %42.5 زیادیکردووە و ژمارەکە ریکۆردێکی نوێیە لە مێژوودا.
یانەکانی ئینگلتەرا زۆرترین پارەیان لە گواستنەوەی یاریزاناندا خەرجکردووە، ئەمەش ژمارەیەکی پێوانەییە لە مێژووی گواستنەوەکاندا، هەروەها یانەکانی سعودیە زیاتر لە یەک ملیار دۆلاریان لە گواستنەوەکاندا خەرجکرد.
یانەکانی ئینگلتەرا بڕی 86 ملیۆن دۆلاریان بە بەڕێوەبەری کارەکانی یاریزانان داوە. لە بەیاننامەکەی فیفادا هاتووە
لە ساڵی 2023دا 3353 یاریزان گواستراونەتەوە و ئەمەش ژمارەیەکی پێوانەییە لە مێژووی گواستنەوەکاندا. بەراورد بە ساڵی رابردوودا، %8.4 زیادبووە.
لەلایەکی دیکەوە، 19,973 بریکار داواکاری وەرگرتنی مۆڵەتیان پێشکەشی فیفا کردووە و تاوەکو ئێستا 32.6% مۆڵەتەکانیان وەرگرتووە.
