هێنری داواییەکی ‘دۆستانە’ لە ئێمباپێ دەکات
''جارێ کاتی جێهێشتنی پاریس نییە''
یاریگا –
تێری هێنری، ئەفسانەی فەرەنسا هانی مانەوەی کیلیان ئێمباپێ لە پاریس سانجێرمان دەدات.
رۆژ دوای رۆژ، ناوی ئێمباپێ زیاتر بە ریال مەدرید دەبەسترێتەوە، بەڵام هاوکێشەی ئەستێرە فەرەنسییەکە ئاڵۆزە و تاوەکو ئێستا ئاسۆییەکی روونی نییە.
Could Kylian Mbappé leave PSG if they get knocked out of the #UCL? 🤔
Thierry Henry, @carra23 and @micahrichards weigh in on the future of the French superstar. pic.twitter.com/72O8CWqroX
— CBS Sports Golazo ⚽️ (@CBSSportsGolazo) December 13, 2023
هێنری، ئەفسانەی ئارسیناڵ لە بەرنامەی شیکاری CBS Sports داوای لە ئێمباپێ کرد، تاوەکو هاوینی داهاتوو لە پاریس بمێنێتەوە و دواتر بڕیاری کۆتایی بدات.
ئەگەر من کیلیان ئێمباپێ بم، یانەکە جێناهێڵم، دەبێ ئەوە تەواو بکەیت کە دەستتپێکردووە، بۆچی یانەکە جێدەهێڵیت؟ پێویستە خولی ناوخۆیی ببەیتەوە. کیلیان پاریسی خۆشدەوێت و دەبێ لەمە تێبگەیت. من خەڵکی ئەوێم لە شتەکان تێدەگەم. دەمەوێت ئێمباپێ تاوەکو کۆتایی وەرز لە یانەکەی بەردەوام بێت.
گرێبەستی ئێمباپێ لە هاوینی داهاتوو بەسەردەچێت و پێشبینی دەکرێت، بۆ وەرزی داهاتوو درێسی ریال مەدرید بپۆشێت، چونکە بە یانە پاریسییەکەی راگەیاندووە، گرێبەستەکەی نوێ ناکاتەوە.
ئێمباپێ بە 15 گۆڵ پێشەنگی گۆڵکارانی خولی فەرەنسی گرتووە و لە چامپیۆنزلیگیش سێ گۆڵی کردووە.
