کۆلینا: هێرشی سەر ناوبژیوانان وەکو شێرپەنجەیە و تۆپی پێ دەکوژێت
ئەردۆغان تووڕەیە و یەکێتیی تۆپی پێی تورکیا یارییەکانی سوپەرلیگی راگرتووە
یاریگا –
پیێر لویجی کۆلینا، سەرۆکی لیژنەی ناوبژیوانانی فیفا، هێرشی سەر ناوبژیوانان بە شێرپەنجە وەسف دەکات و پێی وایە ئەم کارانە تۆپی پێ دەکوژن.
یەکێتیی تۆپی پێی تورکیا، یارییەکانی سوپەرلیگی راگرتووە، ئەمەش دوای هێرشە ‘دڕندانەکەی’ فاروق کۆجا، سەرۆکی یانەی ئەنقەرەگوچۆ بۆ سەر خەلیل ئوموت مەلەر، ناوبژیوانی یاری نێوان یانەکەی پایتەخت و چایکور ریزەسپۆر.
لویجی کۆلینا لەبارەی رووداوەکە دەڵێت
نابێ لە بەهۆی بڕیارێکەوە لە ناوبژیوان بدرێت، ناکرێ رەفتاری لەم شێوەیە بەهۆی لێدانێکی سزاوە بکرێت. بەڕاستی ئەمە زیادەڕۆییەکی بێوێنەیە. لە چەند وڵاتی دیکە ئۆتۆمبێل دەسووتێندرێن و دەتەقێندرێنەوە. ئەمە رەفتارێکی نوێ نییە. وەک بەرپرسیارەتی ئەوانەی ئەم یارییەیان خۆشدەوێت، پێویستە بڕیاری خێرا بدرێن، بەر لەوەی ئەم شێرپەنجەیە تۆپی پێ بکوژێت.
Bu akşam oynanan MKE Ankaragücü-Çaykur Rizespor müsabakası sonrasında hakem Halil Umut Meler’e yapılan saldırıyı kınıyor, kendisine geçmiş olsun dileklerimi iletiyorum.
Spor, barış ve kardeşlik demektir. Spor şiddetle bağdaşmaz. Şiddetin Türk sporunun içinde barınmasına asla…
— Recep Tayyip Erdoğan (@RTErdogan) December 11, 2023
کاردانەوەی رووداوەکە فراوان بووە و تەنانەت رەجەب تەیب ئەردۆغان، سەرۆکی تورکیا لە پلاتفۆرمی ئێکس نووسیویەتی
وەرزش مانای ئاشتی و برایەتییە. وەرزش لەگەڵ ئاژاوەگێڕی هاوتەریب نییە. هەرگیز رێگە نادەین ئاژاوەگێڕی لە وەرزشی تورکیادا هەبێت.
Turkish football leagues halted as chaos erupts on the field! 😱
MKE Ankaragucu president, Faruk Koca punched referee Halil Umut Meler to the ground facing few more blows from others! 🥊🏟️ #TurkishFootball #SuperLig #SuperLigDrama #turkey #football #referees #FIFA pic.twitter.com/x4T9MUtWbp— khelpaisa (@khelpaisa_) December 12, 2023
چایکور ریزەسپۆر لەدوا خولەکەکانی یارییەکەی بەرامبەر ئەنقەرەگوچۆ، گۆڵی یەکسانبوونی کرد، ئەمەش هاندەرانی یانەکەی پایتەختی توڕەکرد و رژانە سەر یاریگا و سەرۆکی یانەکەش بە شێوازی جیاواز کەوتە بەر لێدانی ناوبژیوانی یارییەکە.
