یاریگا
یانەی هەولێر لە گەڕی هەشتەمی خولی ئەستێرەکانی عێراق، میوانداری قوە جەویەی کرد و یارییەکەشی بە ئەنجامی 1-4 دۆڕاند.
یانەی قەڵا و منارە دوای بردنەوەی یاریی رابردوو بەرامبەر نەفتی وەسەت، ئەمجارەیان میوانداری قوە جەویەی کرد.
پێشکۆتایی هاتنی نیوەی یەکەم لە خولەکی 42 سەعەد ئەمیر، توانی گۆڵی یەکەمی یارییەکە لە بەرژەوەندی قوە جەویە بکات. دواتر لە خولەکی 45 ناوبژیوان حەسەن رائد لە یانەی میوان بە کارتی سوور لە یارییەکە دەرکرد.
نیوەی دووەم یاریزانانی قوە جەویە بە 10 یاریزان و یاریزانێک کەمتر، سێجار لە رێگەی ئەیمەن حوسێن و عەلی جاسم توانیان تۆڕی گۆڵی هەولێر بهەژێنن و لە کۆتا خولەکەکانیش هەڵۆ فایەق، تاکە گۆڵی هەولێری لە یارییەکە کرد، دواجاریش قوە جەویە یارییەکەی بە ئەنجامی 4-1 بردەوە.
بەم شێوەیە هەولێر تووشی پێنجەم شکستی ئەم وەرزە بوو، لە بەرامبەر شوڕتە پێنجەم بردنەوەی بەدەستهێنا.
