چاڤی: ئێمە هیچ گوڵپارێزێک ناگوازینەوە
یاریگا
چاڤی هێرناندێز، ڕاهێنەری یانەی بارسێلۆنا لە کۆنگرەی ڕۆژنامەوانی پێش یاری یانەکەی بەرامبەر جیرۆنا، ڕەتیکردەوە ئەوان لە بازاڕی گواستنەوەی زستانەی داهاتوو، هیچ گۆڵپارێزێکی نوێ بگوازنەوە ڕیزەکانیان.
ڕاهێنەرەکەی بڵاوگرانە لەم بارەیەوە گوتی
ئێمە متمانەی تەواومان بە ئینیاکی پێینا گۆڵپارێزی یانەکەمان هەیە، ئەو لە چەند یاری ڕابردوو ئاستێکی باشی پێشکەش کردووە بۆیە دەتوانین بە باشی سوود لەم گۆڵپارێزەمان ببینین، هەروەها پێموایە تێر شتیگن بەم زووانە دەگەڕێتەوە و لە پێکانەکەی ڕزگار دەبێت، بۆیە پێویستمان بە هیچ گۆڵپارێزێکی نوێ لە بازاڕی گواستنەوەی زستانەی داهاتوو نابێت
مارک ئاندرێ تێر شتیگن گۆڵپارێزی ئەڵمانی یانەی بارسێلۆنای ئەسپانیا، چەند یارییەکە بە هۆی ئەو پێکانەی لە کەمپی مەشق و ڕاهێنانی هەڵبژاردەی وڵاتەکەی تووشی بووە، لە یاریگاکان دابڕاوە و پێشبینی دەکرێت لە سەرەتای ساڵی نوێ بگەڕێتەوە یاریگاکان.
