یاریگا –
فیدراسیۆنی تۆپی پێی فەڕەنسا، سزای جیانلویجی دۆنارومای گۆڵپارێزی ئیتاڵی یانەی پاریس سانجێرمانی فەڕەنسی دا، بەهۆی ئەو كارتە سوورەی لە یاری رابردوودا وەریگرت.
لە یاری پێشووی یانەكەی بەرامبەر لۆ هاڤەر دۆناروما لە خولەكی 10ی یارییەكەدا كارتی سووری وەرگرت و لە یاریگا كرایە دەرەوە.
لە گواستنەوەكانی هاوینی ساڵی 2021 دۆناروما بە گرێبەستێكی ئازاد لە ریزەكانی ئەیسی میلانەوە پەیوەندی بە پاریس سانجێرمانەوە كرد.
🟥 دوناروما يتلقى بطاقة حمراء مباشرة في الدقائق الأولى من اللقاء 😯#الدوري_الفرنسي #لوهافر_سان_جيرمان pic.twitter.com/VptyvaeGUK
— beIN SPORTS (@beINSPORTS) December 3, 2023
فیدراسیۆنی تۆپی پێی فەڕەنسا لە بەیاننامەیەكی فەرمیدا لە پێگەی فەرمی لیگ وەن ئاشكرایانكرد كە لیژنەی سزادانی خولەكە بۆ دوو یاری سزای دۆنارومای داوە.
بەوەش گۆڵپارێزە ئیتاڵییەكە ناتوانێت لە دوو یاری داهاتووی یانەكەی بەرامبەر یانەكانی نانت و لیل بەشداری بكات.
پاریس سانجێرمان بە كۆكردنەوەی 33 خاڵ لە پێشەنگی ریزبەندی خولی فەڕەنسی دێت.
