یاریگا –
کاساس دەیەوێت بۆ یارییەکانی جامی ئاسیا بانگهێشتی ئاکام هاشم بکات و راهێنەرەکەی هەڵبژاردەی عێراق سێ یارییە چاودێری ئەو یاریزانە کوردە دەکات.
تۆڕی وەرزشی یاریگا زانیویەتی، خیسۆس کاساس راهێنەری هەڵبژاردەی عێراق دەیەوێت بۆ لیستی سەرەتایی هەڵبژاردەکەی بۆ جامی ئاسیا کە وابڕیارە سەرەتای ساڵی نوێ لە قەتەڕ بەڕێوە بچێت، بانگهێشتی ئاکام هاشم ناوەڕاستکاری یانەی هەولێر بکات.
https://www.facebook.com/Yariga/posts/pfbid0h8eDhw7sGVM9aHPuTL2taG6tiK3bSmJcH5oPbcSDPtphdrm4U7QARhRoa1YqDykgl
کاساس سێ یارییە لە نزیکەوە چاودێری تواناکانی ئاکام هاشم دەکات، لە یاریی بەرامبەر شوڕتە و زاخۆ و تەڵەبە سەیری یاریی ناوەڕاستکارەکەی هەولێری کردووە، تەنانەت لە یاریی بەرامبەر زاخۆ لەپێناوی بینینی یاریی ئاکام لە هەولێر لە یاریگای فڕەنسۆ هەریری ئامادە بوو.
رۆژی 12ـی مانگی داهاتوو جامی ئاسیا لە قەتەر دەستپێدەکات، عێراق لە کۆمەڵەی چوارەم هاوشانی ئیندۆنیزیا و ژاپۆن و فلیپین و ڤیێتنام یاریی دەکات.
