یاریگا –
لێدوانەكانی كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی دوای یارییەكەیان بەرامبەر گرانادا.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری گرانادای كرد و یارییەكەشی بە ئەنجامی دوو گۆڵی بێ وەڵام لێ بردەوە، لە میانی یارییەكانی هەفتەی پازدەی خولی ئیسپانیا.
گۆڵەكانی ریال مەدرید لەلایەن براهیم دیاز لە خولەكی 26 و رۆدریگۆ لە خولەكی 57 تۆمار كران.
رودريغو يعزز التقدم لريال مدريد بهدف ثاني#الدوري_الإسباني | #ريال_مدريد_غرناطة #beINLiga #LaLiga pic.twitter.com/ocCbjEN2X5
— beIN SPORTS (@beINSPORTS) December 2, 2023
لە دوای بردنەوەكەیان و لە كۆنگرەی رۆژنامەوانیدا كە رۆژنامەی مۆندۆ دیپۆرتیڤۆ بڵاویكردووەتەوە ئانچێلۆتی ووتی:
بۆچی هەمیشە كروس سەرەكیە؟
چونكە لە كاتی پاسداندا هەڵە ناكات، هەمیشە باشترین چارەسەر هەڵدەبژێرێت، یاریزانێكی ناوەڕاستە و هەمیشە تۆپەكەی دەوێت، لە فشارەكان ناترسێت و هەمیشەش باشترین جێگا بۆ خۆی دەدۆزێتەوە.
باشترین شت لە کروس ئاڕاستە و کۆنترۆڵی خۆیەتی، هەمیشە لە پێگەیەکی دروستدایە کاتێك تۆپ وەردەگرێت، کاتێکیش یاری ناکات ناتوانرێت جێگەی پڕ بكرێتەوە.
سەبارەت بە رۆدریگۆ كە پێنج یاری لەسەر یەكە گۆڵ دەكات ووتی:
ئەو گەڕاوەتەوە بۆ باشترین ئاستی خۆی، گۆڵی زۆری کردووە، ئەمڕۆش وەڵامی ئەو کەسانەی دایەوە کە پێیان وابوو تەنیا لەلای چەپەوە گۆڵ دەکات.
دەربارەی یارییەكە ووتی:
یارییەکە باش بوو، بە باشی کۆنترۆڵ کرابوو، ئێمەش بە باشی یاریمان کرد، لەڕێگەی نیشاندانی بەرگری زۆر باشەوە خۆمان لە مەترسییەکان بەدوور گرت لەبەر ئەوەی لە هێرشی هەڵگەڕاوە و مامەڵەکردنی باشی تۆپەکان دوور بکەوینەوە.
راهێنەرە ئیتاڵییەكە ووتیشی:
تیمەکە دەبێت پێکەوە کاربکەن گرنگ نییە کێ گۆڵەکان دەکات، ئەوەی زۆر دڵخۆشم دەكات لە تیپەکەدا ئەوەیە کە پابەندبوونێکی بەکۆمەڵ هەیە کە رێگەمان پێدەدات بەرگرییەکی باش بکەین و گۆڵەكەمان بە خاوێنی بهێڵینەوە.
سەبارەت بە یاری بارسێلۆنا و ئاتلێتیكۆ مەدرید ووتی:
پێموایە یارییەکی سەرنجڕاکێش دەبێت، ئەوەی زۆرتر بیری لێدەکەمەوە چێژوەرگرتنە لە یاری نێوان دوو تیپی گەورە و ئەو تیپەی باشتر یاری دەکات سەردەکەوێت.
ریال مەدرید و جێرۆنا بە كۆكردنەوەی 38 خاڵ پلەی یەكەم و دووەمیان گرتووە و ئاتلێتیكۆ و بارسێلۆناش بە كۆكردنەوەی 31 خاڵ پلەی سێیەم و چوارەمیان گرتووە.
