یاریگا
ئالێخاندرۆ گارناچۆ هێرشبەری لاوی ئەرجەنتینی یانەی مانچێستەر یونایتدی ئینگڵتەرا، وەکو باشترین یاریزانی مانگی ڕابردووی ئەو یانەیە دەستنیشان کرا.
ماڵپەڕی فەرمی شەیتانە سوورەکان بڵاویکردەوە لە ڕاپرسی دیاریکردنی باشترین یاریزانی مانگی ڕابردوو یانەکەیان، هێرشبەرە ئەرجەنتینیەکەیان توانی زۆرینەی دەنگەکان بە دەست بێنێت و وەکو باشترین یاریزان خەڵات کرا.
گارناچۆ مانگی ڕابردوو لەگەڵ یانەکەی بەشداری 6 یاریی کرد و توانی دوو گۆڵ تۆمار بکات، گۆڵێکی بەرامبەر ئێڤەرتۆن بوو کە بە جوانترین شێوە تۆماری کرد، گۆڵەکەی تریشی بەرامبەر گالاتاسارای تورکیا لە گەڕی پێنجەمی قۆناغی کۆمەڵەکانی چامپیۆنزلیگ بوو.
