یاریگا
وەکو دیار چیرۆکی کیلیان ئێمباپێ و ڕیال مەدرید و بە ئاسانی کۆتایی نایەت و یانە ئیسپانییەکە جارێکی تر هەوڵ بۆ گواستنەوەی ئەو یاریزانە فەڕەنسیە دەداتەوە.
ڕیال مەدرید ساڵانێکە بەردەوام هەوڵ بۆ گواستنەوەی کیلیان ئێمباپێ هێرشبەری یانەی پاریس سانجێرمان دەدات، بەڵام هەمیشە لە گواستنەوەی ئەو یاریزانە شکستی هێناوە.
لە ماوەی ڕابردوو دەنگۆیەک بڵاوبووەوە کە چیتر بەرپرسانی مێرنگی ئەو یاریزانەیان ناوێتەوە ئەویش بە هۆی تێچووە زۆرەکەی، لە لایەن خۆشیانەوە بەرپرسانی ڕیال مەدریدیش بە فەرمی ڕایانگەیاند کە چیدیکە هەوڵ بۆ گواستنەوەی ئەو یاریزانە نادەن، بەڵام وەکو دیار ئەو یانەیە نایەوێت وا بە ئاسانی دەستبەرداری ئەو یاریزانە بێت.
ماڵپەڕی ڕێلیڤۆی ئیسپانی زانیاری دەستکەوتووە، بەرپرسانی یانەی ڕیاڵ مەدرید بڕیارانداوە بۆ دوایینجار لە هاوینی ساڵی 2024 ئۆفەرێکی دیکە پێشکەشی یاریزانە فەڕەنسییەکە بکەن، ئەگەر ئەمجارەیان ئێمباپێ بەم ئۆفەرەی مێرنگی ڕازی نەبێت، ئەوە چیدیکە ئەو یانەیە هەوڵ بە گواستنەوەی ناداتەوە و وازی لێدێنێت.
