دوسان ڤلاهۆڤیچ باسی جێهێشتنی یوڤێنتوس دەکات

یاریگا –

دوسان ڤلاهۆڤیچ دەیەوێت لە یوڤێنتوس بمێنێتەوە و نیازی جێهێشتنی خانمە پیرەکەی نییە.

دوسان ڤلاهۆڤیچی سڕبی و هێرشبەری یانەی یوڤێنتوسی ئیتاڵی لە نوێترین لێدوانی، کە فابریزیۆ رۆمانۆ بڵاویکردووەتەوە، رایگەیاند؛ دەیەوێت لە یانەکەی بمێنێتەوە و بیری لە جێهێشتنی یوڤێ نەکردووەتەوە.

یوڤێنتوس ماڵی منە، هەرگیز بیرم لە جێهێشتنی نەکردووەتەوە.

یانەکانی سعودیە؟ من ئێستا یاری بۆ یەکێک لە گرنگترین یانەکانی جیهان دەکەم، شانازیش بەوەوە دەکەم.

⚪️⚫️ Dusan Vlahovic: "I feel at home at Juventus and I never really thought of leaving".

🇸🇦 "Saudi move? I play for one of the most important teams in the world, I'm proud and for now I see myself here", told Gazzetta dello Sport. pic.twitter.com/eYRhtojByx

— Fabrizio Romano (@FabrizioRomano) December 1, 2023

هاوکات بەپێی پێگەی 90min، یوڤێنتوس کار بۆ نوێکردنەوەی گرێبەستی دوسان دەکات، بیانکۆ نێری ئامانجییەتی پارێزگاری لە هێرشبەرەکەی بکات.

بەپێی هەمان سەرچاوە، هەردوو یانەی مانچێستەر یونایتد و ئارسیناڵی ئینگلیزی چاویان لەسەر یاریزانەکەیە، دەیانەوێت لە مێرکاتۆی هاوینەی داهاتوو گرێبەستی لەگەڵدا واژۆ بکەن.

دوسان لە زستانی 2022 بە بڕی 83.50 ملیۆن یۆرۆ، لە فیۆرێنتیناوە پەیوەندیکرد بە یوڤێ، لە وەرزەی رابردوو لە 42 یاریدا تەنیا 14 گۆڵی بۆ یانەکەی کرد، ئەمەش بووە هۆی سەرهەڵدانی دەنگۆی فرۆشرانی ناوبراو لەلایەن یانەکەی، بەڵام ئێستا هەردوولایان دەیانەوێت لەیەک دانەبڕێن.

Dusan Vlahovic n'a pas l'intention de quitter la Juventus Turin ! 😁

C'est en tout cas ce qu'il affirme au micro de la Gazetta confirmant aussi qu'une prolongation est en discussions comme nous l'affirmions il y a peu.

Une sacrée bonne nouvelle pour les Bianconeri 😋 pic.twitter.com/bhgWqFM1vw

— 90min 🇫🇷 (@90minFR) December 1, 2023