دهۆک تووشی یەکەم دۆڕان بوو

یاریگا

یانەی دهۆک لە گەڕی شەشەمی خولی ئەستێرەکانی عێراق، لە دەرەوەی یاریگای خۆی رووبەڕووی کەرخ بووەوە و یارییەکەشی بە ئەنجامی 0-1 دۆڕاند.

دهۆک لە کاتێکدا لە گەڕی شەشەمی خولی ئەستێرەکانی عێراق بووە میوانی کەرخ، پێش ئەم یارییە خاوەنی پێنج بردنەوە و دوو یەکسانبون بوو و هیچ یارییەکی نەدۆڕاند بوو.

لە کۆی پێنج یاریی رابردووشی یانەی دهۆک هیچ گۆڵێکی لێنەکرا بوو و لەم یارییە بۆ یەکەمجار لەم وەرزە تۆڕی گۆڵەکەی هەژێندرا.

بوبەکر جبریل لە خولەکی 66 تاکە گۆڵەکەی یانەی کەرخی میوانداری یارییەکەی کرد.

بەم شێوەیە دهۆک بە 11 خاڵ مایەوە و کەرخیش  دووەم بردنەوەی ئەم وەرزەی بەدەستهێنا و کۆی خاڵەکانیشی گەیاندە هەشت خاڵ.