بارسێلۆنا چارەنووسی کانسێلۆ یەکلایی دەکاتەوە
یاریگا –
بارسێلۆنا گرێبەستەکەی جواو کانسێلۆی پۆرتوگالی دەکات بە گرێبەستێکی درێژخایەن.
کەمێک لەمەوبەر رۆژنامەی موندۆ دیپۆرتیڤۆ بڵاویکردەوە، یانەی بارسێلۆنا بڕیاریداوە گرێبەستی جواو کانسێلۆی بەرگریکاری پۆرتوگالی یانەکەی لە گرێبەستێکی خواستنەوە بکات بە گرێبەستێکی درێژخایەن.
بەپێی هەمان سەرچاوە، یانەی مانچێستەر سیتی ئینگلیزی بۆ دەستبەرداربوون لە کانسێلۆ بڕی 25 ملیۆن یۆرۆیان دەوێت، بەڵام یانە کاتالۆنییەکە دەیەوێت بە نرخێکی کەمتر یاریزانەکە بەدەستبهێنێت.
❗ El fichaje de Cancelo, prioritario para el FC Barcelona
✍ @RogerTorello https://t.co/xglN7roLi6
— Mundo Deportivo (@mundodeportivo) November 30, 2023
کانسێلۆی تەمەن 29 ساڵان لە هاوینی رابردوو بە شێوەی خواستن لە بلوو موونەوە پەیوەندیکرد بە بارسێلۆنا، بەهۆی پێشکەشکردنی ئاستێکی بەرز یانەکەی ناچاکرد بڕیاربدەن گرێبەستەکەی درێژبکەنەوە.
جواو لەم وەرزە لە سەرجەم پاڵەوانێتییەکان 16 یاری بۆ بارسا کردووە، بەشێوەیەکی گشتی 1,325 خولەک یاری کردووە، 3 گۆڵی کردووە و 2 گۆڵیشی درووستکردووە.
یانە ئیسپانییەکە بەهۆی گرفتە داراییەکانی پەنای بردووەتە بەر گواستنەوەی یاریزانان بەشێوەی خواستن. جواو فێلیکسی پۆرتوگالیش یەکێکی دیکەیە لەو یاریزانانەی کە لە هاوینی رابردوو بەشێوەی خواستن لە ئاتلێتیکۆ مەدریدەوە پەیوەندی بە یانەکە کرد.
کاتالۆنییەکان تا ئێستا چارەنووسی جواوەکەی دیکەیان یەکلایی نەکردووەتەوە، بەڵام بەپێی سەرچاوە ئیسپانییەکان، ئەگەر رۆخی بلانکۆس نرخی یاریزانەکە دابشکێنێت، بارسا گرێبەستی ئەویش درێژدەکاتەوە.
🚨🚨🌕| BREAKING: FC Barcelona have decided to permanently sign João Cancelo! Manchester City want €25M for him, but Barça will try to lower the price. @RogerTorello 🔥✅ pic.twitter.com/8BxVVcL3Ii
— Managing Barça (@ManagingBarca) November 30, 2023
