یاریگا –
كریستیانۆ رۆناڵدۆی پۆرتوگالی و ئەستێرەی یانەی نەسری سعودی لە یاری یانەكەی بەرامبەر پێرسپۆلیس بەهۆی پێكانەوە یاریگای جێهێشت و هاندەرانی یانەكەی نیگەران كرد.
شەوی رابردوو نەسرلە یاریگای خۆیدا میوانداری پێرسپۆلیسی كرد و یارییەكەش بە بێ گۆڵ بۆ هەردوولا یەكسان بوون، لە میانی یارییەكانی گەڕی پێنجەمی قۆناخی كۆمەڵەكانی خولی یانە پاڵەوانەكانی ئاسیا.
كريستيانو رونالدو يعاني من اصابه@Nfcdiario pic.twitter.com/NnJsnlzwL7
— DIARIO MEDIA (@DiarioMedi_a) November 27, 2023
لە خولەكی 78ی یارییەكەدا كریستیانۆ رۆناڵدۆ تووشی پێكان بوو بەهۆیەوە نەیتوانی یارییەكە تەواو بكات و یاریگای جێهێشت.
بەپێی راپۆرتە سەرەتاییەكانی دەستنیشانكردنی سەرەتایی پێكانەكەی، دەستنیشانكراوە كە كریستیانۆ رۆناڵدۆ تووشی كێشەیەكی مامناوەند بووە لە ملیدا.
ئاماژە بەوەشكراوە، راستەوخۆ دوای جێهێشتنی یاریگا یاریزانەكە چارەسەری فیزیایی وەرگرتووە.
🚨🚨🚨 Legend Cristiano Ronaldo exits due to injury 💔💔💔pic.twitter.com/rPEJwSyhju
— Abdi7_🇩🇯🇸🇴 (@st_80z) November 27, 2023
چاوەڕوان دەكرێت دۆن رۆناڵدۆ پشكنینی زیاتر ئەنجام بدات و زۆربەی سەرچاوەكان باس لەوە دەكەن كە ئامادەیە بۆ رووبەڕووبوونەوەی هیلال لە خولی رۆشنی سعودی.
چاوەڕوان دەكرێت رۆژی هەینی داهاتوو هیلال لە یاریگای خۆیدا میوانداری نەسر بكات، لە یاری لوتكەی خولی رۆشنی سعودیدا.
لە دوای یەكسان بوونەكەیان بەرامبەر پێرسپۆلیس نەسر گەیشتنیان بە قۆناخی شانزەی خولی یانە پاڵەوانەكانی ئاسیا مسۆگەر كرد.
