ئیمانۆل ئەلگواسیل بەربژێرە بۆ ئەوەی لە شوێنی چاڤی ئەرکی راهێنەرایەتی بارسێلۆنا بگرێتە ئەستۆ.
رۆژنامەی سپۆرتی کەتەلۆنی ئاشکرایکردووە، ئیمانۆل ئەلگواسیل راهێنەری ریال سۆسیدادی ئیسپانی کە بە باشترین راهێنەری وەرزی رابردووی لالیگا دەستنیشانکرا، بەربژێری سەرەکییە بۆ ئەوەی شوێنی چاڤی هێرناندێز بگرێتەوە و ئەرکی راهێنەرایەتی بارسێلۆنا بگرێتە ئەستۆ.
رۆژنامە کەتەلۆنییەکە ئاشکرایکردووە، خوان لاپۆرتا سەرۆکی یانە و دیکۆ بەڕێوەبەری وەرزشی یانەکە زۆر بە ئیمانۆل سەرسامن، کە ئەو راهێنەرە 52 ساڵانە ماوەی پێنج ساڵە راهێنەرایەتی سۆسیداد دەکات.
🧐 Imanol Alguacil, otro futurible para el Barcelona
👉 Termina contrato la temporada que viene, en junio del 2025, y no se cierra ninguna puerta
🔛 Está muy contento en San Sebastián que es su casa, pero sabe que nada es eterno
✍️@Alfremartinezz https://t.co/W42zCaMIHl
— Diario SPORT (@sport) November 26, 2023
ئەلگواسیل راهێنەرایەتی تیپەی جیاوازەکانی ریال سۆسیدادی کردووە و وەرزی رابردوو بە باشترین راهێنەری لالیگا دەستنیشانکرا، پلەی چوارەمی بۆ سۆسیداد بەدەستهێنا، شێوازی یاریکردنی زۆر لەگەڵ بارسێلۆنا دەگونجێت و زیاتر پشت بە یاریزانان لاو دەبەستێت.
چاڤی تاوەکو هاوینی 2025 گرێبەستی لەگەڵ بارسێلۆنا هەیە، بەڵام هاندەران لە ئەنجامەکانی ئەم وەرزەی یانەکەیان ناڕازین، بلاوگرانا بە کۆکردنەوەی 31 خاڵ لە پلەی چوارەم دێت.
