مەیسن ماونت تووشی پێکانێکی نوێ بووە

یاریگا –

مەیسن ماونتی ئینگلیزی و یاریزانی یانەی مانچێستەر یونایتد، تووشی پێکانێکی نوێ بووە.

رۆژنامەنووس فابریزیۆ رۆمانۆ بڵاویکردووەتەوە، پاش ئەنجامدانی پشکنینی پزیشکی، دەرکەوت مەیسن ماونت تووشی پێکانێکی نوێ بووە، بەو هۆیە بۆ ماوەیەکی دیکە لە یاریکردن دادەبڕێت.

یاریزانە تەمەن 24 ساڵانییەکە، بەهۆی ئەم پێکانە نوێیەی بۆ ماوەی 3 بۆ 4 هەفتە لە یاریکردن دادەبڕێت، ئەمەش گورزێکی کوشندەی دیکەیە بۆ پێکهاتەی تیپەکەی ئێریک تێن هاخ. بەو پێیەیی ئێستا 12 یاریزانی شەیتانە سوورەکان بەدەست پێکان دەناڵێنن.

🚨🔴 Mason Mount picked up an injury as tests took place today in order to understand for how long he won’t be available.

Mount, determined to work hard and return as soon as possible after unfortunate beginning of the season. pic.twitter.com/yhfSZvwkVy

— Fabrizio Romano (@FabrizioRomano) November 24, 2023

ماونت لە هاوینی رابردوو بە بڕی 64 ملیۆن یۆرۆ لە چێڵسییەوە پەیوەندیکرد بە مانچێستەر یونایتد، بە درێسی یانە نوێیەکەی بەشداری تەنیا 12 یاری کردووە و 1 گۆڵی کردووە.

هەر بەهۆی دوایین پێکانی، یاریزانەکە لە نێوان مانگی ئاب بۆ مانگی ئەیلول لە شەش یاری یانەکەی بێبەشبوو، هەروەها نەیتوانیووە بەشداری دوایین سێ یاری هەڵبژاردەی وڵاتەکەشی بکات.

سبەی یەکشەممە، شەیتانە سوورەکان لە گەڕی سێزدەی یارییەکانی پرێمەرلیگ، لە یاریگای گۆدیسۆن پارک، لە کاتژمێر 19:30 بە کاتی کوردستان، دەبنە میوانی ئێڤەرتن.

🚨🚨🌕| We hear say Mason Mount go dey unavailable for 3 to 4 weeks. [@ChrisWheelerDM] pic.twitter.com/imjaSC4NeK

— MUIP (@ManUtdInPidgin) November 25, 2023