یاریگا –
یانەی ریال مەدریدی ئیسپانی هەواڵێكی دڵخۆشكەری پێگەیشت پێش یارییەكەیان بەرامبەر كادێز.
وا بڕیارە سبەی یەكشەممە كاتژمێر 20:30 بە كاتی كوردستان كادێز لە یاریگای خۆیدا میوانداری ریال مەدرید بكات، لە میانی یارییەكانی هەفتەی چواردەیەمی لالیگای ئیسپانیا.
💪🏋️♂️🔥
🌱⚽🤩#RMCity pic.twitter.com/tGdZnlm3hw— Real Madrid C.F. (@realmadrid) November 22, 2023
رۆدریگۆ ئەستێرەی یانە شاهانەكە لە میانی یاریە نێودەوڵەتیەكاندا تووشی پێكان بوو لەگەڵ هەڵبژاردەی بەڕازیل.
بەپێی زانیاریەكانی رۆژنامەی مۆندۆ دیپۆرتیڤۆ، رۆدریگۆ پشكنینی پزیشكی بۆ ئەنجامدراوە و دەركەوتووە كە تووشی پێكانێكی سەخت نەبووە، تەنیا برینێكی سووك بووە.
ئاماژە بەوەشكراوە، ئەستێرە بەڕازیلییەكە ئامادەیە بۆ رووبەڕووبوونەوەی كادێز، دوێنێ راهینانی لە هۆڵی وەرزشی ئەنجامدەوە و ئەمڕۆ لەگەڵ تەواوی یاریزانەكان راهێنانەكان دەكات.
یانە شاهانەكە بە كۆكردنەوەی 32 خاڵ لە ریزبەندی دووەمی لالیگا دێت و بە جیاوازی دوو خاڵ لە دوای جێڕۆنای پێشەنگەوە دێت.
