یاریگا –
یانەی ئیتیحادی سعودی ماوەی دووركەوتنەوەی ئێنگۆلۆ كانتێ ئەستێرەی هەڵبژاردەی فەڕەنسا و یانەكەی دیاریكرد.
لە یارییەكانی هەفتەی سیانزەی خولی رۆشنی سعودی ئیتیحاد لە یاریگای خۆیدا میوانداری ئەبهای كرد و یارییەكەشی بە ئەنجامی چوار گۆڵ بەرامبەر دوو گۆڵ لێ بردەوە.
لەو یارییەدا ئێنگۆلۆ كانتێ تووشی پێكان بوو، بەهۆیەوە لە خولەكی 73ی یارییەكەدا یاریگای جێهێشت.
📝| اتحادنا هذا الاثنين pic.twitter.com/ZY9dDqx94w
— نادي الاتحاد السعودي (@ittihad) November 20, 2023
لە بەیاننامەیەكی فەرمیدا هەژماری فەرمی ئیتیحاد لە پلاتفۆرمی ئێكس ئاشكرایكرد: ئێنگۆلۆ كانتێ بەرنامەی چارەسەری بۆ دەكرێت بە مەبەستی چاكبوونەوە لەو پێكانە ماسولكەییەی تووشی بووە.
لە بەیاننامەكەشدا هاتووە، كانتێ بۆ ماوەی سێ هەفتە لە یاریگاكان دووردەكەوێتەوە و ماوەی چارەسەركردن ئەنجام دەدات، بۆ ئەوەی جارێكی تر بگەڕێتەوە و بتوانێت لەگەڵ هاوڕێكانی مەشق و راهێنانەكان ئەنجام بدات.
ئیتیحاد بە كۆكردنەوەی 24 خاڵ لە ریزبەندی پێنجەمی خولی رۆشنی سعودی دێت.
