یاریگا –
راپۆرتە رۆژنامەوانیەكانی ئیسپانیا هەڵوێستی یانەی ریال مەدریدی ئیسپانیان ئاشكرا كرد، سەبارەت بە گواستنەوەی یاریزانی نوێ لە گواستنەوەكانی زستانەی داهاتوودا، بۆ قەرەبووكردنەوەی پێكانی یاریزانەكانی.
هەریەك لە یاریزانان ئێدوارد كاماڤینگا و ڤینیسیۆس جونیۆر تووشی پێكانێكی بەهێز بوون لەگەڵ هەڵبژاردەكەیان كە بەهۆیەوە ماوەیەكی زۆر لە یاریگاكان دووردەكەونەوە.
❌ El Real Madrid no abre el mercado… ni con las lesiones
⚪ Los problemas físicos de Tchouaméni, Camavinga, Vinicius y Güler no cambian la idea y las soluciones llegarán mirando al fondo de armario y a la cantera
🖊 Una información de @jfelixdiaz 👇https://t.co/xHLLlnAu13
— MARCA (@marca) November 20, 2023
بەپێی زانیاریەكانی رۆژنامەی ماركا ریال مەدرید هیچ پلانێكی نیە بۆ واژۆكردنی گرێبەستی نوێ لە گواستنەوەكانی زستانەدا، تا قەرەبووی پێكانەكانی كاماڤینگا، ڤینیسیۆس و چوامینی بكاتەوە.
رۆژنامە ئیسپانییەکە ئاماژەی بەوەشکردووە، ستافی تەکنیکی مێرێنگی متمانەیان بەو یاریزانانە هەیە کە لەم ماوەیەدا بەردەستن بۆ قەرەبووکردنەوەی یاریزانە پێكراوەكان، بەتایبەتی دوای گەڕانەوەی سێبایۆس لە پێکان و درەوشانەوەی برایم دیاز، لەگەڵ هەندێک لە یاریزانانی کاستیا لە ماوەی داهاتوودا زیاتر دەردەكەون.
ریال مەدرید بە كۆكردنەوەی 32 خاڵ لە ریزبەندی دووەمی لالیگایە و بە جیاوازی دوو خاڵ لە دوای جیڕۆنای پێشەنگەوەیە.
