فێرگسن لە رکابەریکردن بێزار نابێت؛ ئەمجارەیان ئەسپەکەی لە بەحرەین یەکەم بوو (ڤیدیۆ)
ساڵانێکی زۆرە حەزی لە پێشبڕکێی ئەسپسوارییە
سێر ئەلێکس فێرگسن راهێنەری پێشووی مانچێستەر یونایتد هێشتا چێژ لە رکابەریکردن وەردەگرێت و ئەمجارەیان نەک خۆی، ئەسپە تایبەتەکەی پلەی یەکەمی بەدەستهێنا.
سپیریت دانسەر ئەسپە تایبەتەکەی سێر ئەلێکس فێرگسن لە جامی نێودەوڵەتی ئەسپسواری بەحرەین بە ئامادەبوونی فێرگسن، پلەی یەکەمی لە پێشبڕکێیەکە بەدەستهێنا لە کاتێکدا چەندان ئەسپی بەناوبانگ و ناودار بەشدارییان تیادا کردبوو، بەڵام ئەسپەکەی فێرگسن پلەی یەکەمی بەدەستهێنا و نیو ملیۆن پاوەندی وەکو خەڵاتی پلەی یەکەم بردەوە.
شغف فيرجسون بالمنافسة لا ينتهي حتى وهو في سن الـ81!
شاهد فرحة المدرب الأسطوري السابق لمانشستر يونايتد الإنجليزي عقب فوز حصانه Spirit Dancer بلقب كأس البحرين الدولي للخيل#فيرجسون #مانشستر_يونايتد pic.twitter.com/c4gcbcOYci
— قناة دبي الرياضية (@dubaisportstv) November 18, 2023
لەو گرتە ڤیدیۆییانەی بڵاوبوونەتەوە، راهێنەرە سکۆتلەندییەکە گەرچی لە تەمەنی 81 ساڵیدایە و تەواو بە تەمەندا چووە، بەڵام لە خۆشی یەکەمبوونی ئەسەپەکەی هەڵدەپەڕێت و خۆشی دەگێڕێت.
صباح الخير
لحظه فوز جواد السير فيرجسون وفرحته بجائزه سباق البحرين الدولي pic.twitter.com/SsPWT6AFwM
— MUATH (@muathsifra) November 18, 2023
فێرگسن ساڵانێکی زۆرە حەزی بە پێشبڕکێی ئەسپسوارییە، لەوەتەی ساڵی 1998ـەوە ئامادەی پێشبڕکێی ئەسپسواری دەبێت و ئێستا خاوەنی 32 ئەسپی جیاوازە.
