کوردستان

بورهان سەهیۆنی دێ لە دهوک مینیت

(ئاكانیوز)- كارگێڕییا یانەیا دهۆك یا وەرزشی بۆ وەرزێ دوویێ ل دویف ئێك هەڤبەست د گەل یاریكەرێ خۆ یێ تەپا پێ پیشەوەرێ سووریایێ بورهان ئەحمەد سەهیۆنی گرێ دا، ژ بۆ پشكداریێ د گەل تیما یانێ د خولا عیراقێدا بۆ یانەیێن پلا نایاب.

بێ دیاریكرنا گوژمێ هەڤبەستێ د گەل دابینكرنا جهێ خوارنێ و نڤستنێ، كارگێڕییا یانەیا دهۆك هەڤبەست بۆ وەرزێ دوویێ ل دویف ئێك د گەل یاریكەرێ ناڤبری گرێ دا.

محەمەد سەعید محەمەد سەرپەرشتیارێَ تیما یانەیا دهۆك یا تەپا پێ بۆ ئاژانسا كوردستان یا دەنگوباسان (ئاكانیوز) گوت، ژبەر رولێ وی یێ بەرچاف د گەل تیما یانەیێ ب درێژاهییا یاریێن خولا ڤێ وەرزێ و پێگێرییا وی ب راهێنانێن تیمێ و ئاستێ وی یێ ژێهاتی، مە هەڤبەست بۆ وەرزەكێ د گەلدا گرێ دا، ب هیڤیا هندێ یاریكەرێ مە بشێت ل وەرزێ بهێت ب هەمان ئاست و باشتر خۆ نیشان بدەت و ببیتە ئەگەرێ سەركەفتنێن یانەیا دهۆك.

هەروەسا بورهان ئەحمەد یاریكەرێ یانەیا دهۆك بۆ ئاژانسا كوردستان گوت، ئەز یێ كەیفخوشم ب زێدەكرنا هەڤبەستا خو دگەل ئێك ژ بهێزترین تیمێن تەپا پێ ل عیراقێ، نها تنێ ئەز هزرا هندێ د كەم كا دێ چەوا شێین د یارییا داهاتیدا سەركەفتنێ ل سەر شرگات ئینین و پتر خو نێزیكی بدەستڤە ئینانا رێزا دوویێ كەین، ب ئومێدم د گەل ڤێ پەیوەندییێ ئەز بشێم تیمێ بەرەف رێزا دووێ ببەم و پشكداریێ د قارەمانییا ئێكەتییا ئاسیایێ بكەین.

تێ زانین یاریكەرێ سووریایێ بورهان ئەحمەد سەهیونی ل دەسپێكا ڤی وەرزی ب گۆرەیێ هەڤبەستەكێ هاتبوو د ناف رێزێن یانەیا دهۆكدا و شیابو د هێلا ناڤینا تیمێدا ئاستەكێ مەزن نیشان بدەت.

نها یانەیا دهۆك ب 70 خالان ل رێزا دوویێ ل سەرێ لیستەیا خولا عیراقێ د هێت ئەوا یانەیا هەولێرێ ناسناڤێ وێ بەری دوو گەڕان مسوگەر كری.

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close