یاریگا
مەرجێکی نهێنی گرێبەستی نێوان بایرن میونشن و هاری کەین ئاشکرادەبێت، کە شازادە ئینگلیزەکە لە مێرکاتۆی هاوینەی رابردوو بە بڕی 95 ملیۆن یۆرۆ لە تۆتنهامەوە پەیوەندیکرد بە یانە ئەڵمانییەکە.
رۆژنامەنووس کریستیان فاڵک لە رۆژنامەی بییڵدی ئەڵمانی بڵاویکردووەتەوە، بڕگەیەک لە گرێبەستەکە هەیە کە پێشتر ئاشکرانەبوو، بەپێی ئەو بڕگەیە هێرشبەرەکەی بایرن دەتوانێت پاداشتی دارایی بەدەستبهێنێت.
بڕگەکە بریتییە لەوەی ئەگەر هاتوو هاری کەین لە وەرزێک، لە سەرجەم پاڵەوانێتییەکاندا بە بەشداری لە 40 گۆڵ کرد، ئەوا بڕی 250 هەزار یۆرۆ وەک پاداشات وەردەگرێت.
Our Story: Harry Kane has a special clause in his contract @FCBayern: If the striker has more than 40 scorer-points across all competitions in one season, he should receive a further payment of 250,000 € @SPORTBILD @altobelli13
— Christian Falk (@cfbayern) November 14, 2023
کەین لەم وەرزە تا ئێستا 16 یاری بۆ یانە باڤارییەکە کردووە، 21 گۆڵی کردووە و 7 گۆڵیشی درووستکردووە، بەشداربووە لە 28 گۆڵی تیپەکەیدا.
بەمشێوەیە هێرشبەرە تەمەن 30 ساڵانییەکە، پێویستی تەنیا بە 12 گۆڵ و ئەسیستی دیکەیە، تا بگات بەو پاداشتە داراییەی کە بۆی دانراوە.
شازادە هاری، لە سەرەتای پەیوەندیکردن بە بایرن میونشن بە ئاستێکی بەرز دەرکەوت، هەرچەندە لە جامی ئەڵمانیا کرانەدەرەوە و پێشەنگی بۆندسلیگاش نین، بەڵام رێژەی زۆری گۆڵەکانی ناوبراو بووەتە وزەیەکی زۆر بۆ تیپەکەی تۆماس تۆخێل، هیوایەکی زۆریان بە بەدەستهێنانی نازناوی چامپیۆنزلیگ و بۆندسلیگاش هەیە.
