کێشەکانی دانی ئەلڤێس کۆتایی نیە و ماڵ خۆی نەبوو میوانیشی هاتە سەر!
ئەلڤێسی ئەستێرەی مێژوویی بارسێلۆنا و بەڕازیل لە مانگی یەکەوە لە زیندان دایە بە تۆمەتی دەستدرێژی بۆ سەر ئافرەتێک لە ئیسپانیا ، هێشتا ئازاد نەکراوە ئەمڕۆ راگەیەندرا کەیسێکی دیکەی دراوە بە دادگا.
کەیسە تازەکەی ئەلڤێس لەسەر لاقەکردنی بە زۆری ئافرەتێکە هەر لە ئیسپانیا. هەرچەندە ناوبراو رەتیدەکاتەوە بە زۆر بووبێت و دەڵێت کەسەکە بە ویستی خۆی بووە بەڵام دادگا دەڵێت بەڵگەی پێویست لەبەردەست بووە بۆ ئەوەی لێکۆڵینەوەی لەسەر بکرێت و پاشان ئەلڤێس دادگایی بکرێت.
بەگوێرەی یاساکانی ئیسپانیا سزای لاقەکردن دەگاتە 15 ساڵ زیندانیی.
ئەلڤێس خاوەنی 42 ناسناوەو ناوێکی ناسراوە لە تۆپی پێ دا پاش یاریکردن بۆ سیڤیلیا، بارسێلۆنا و یوڤێنتۆس و پاریس سان جێرمان.
