پەیامێک لە ریال مەدریدەوە بۆ کیلیان ئێمباپێ
ئیتر پڕۆسەکە بە مەدرید پەیوەست نییە
یاریگا –
تاوەکو ئێستا ریال مەدرید کیلیان ئێمباپێی، ئەستێرەی پاریس سانجێرمانی دەوێت، بەڵام ترسی لە ئەزموونەکانی رابردوو هەیە.
ئەمجارە ریال مەدرید دەیەوێت سیاسەتێکی نوێ لەگەڵ کیلیان پەیڕەو بکات، ئەمەش بەهۆی شکستەکانی رابردووی دەستەی کارگێڕی لۆس بلانکۆس لە گواستنەوەی ئەستێرە فەرەنسییەکە.
یانە مەدریدییەکە چاوەڕێی ئێمباپێ دەکات، تاوەکو یەکەم هەنگاو بەرەو قەڵای بێرنابیۆ بنێت.
رادیۆی مۆنتی کارلۆ RMC بڵاویکردووەتەوە، ریال مەدرید ئێستاش ئێمباپێی دەوێت، بەڵام نایەوێت هاوشێوەی ساڵانی رابردوو، لە کۆتایی پڕۆسەکەدا هەموو شتێک هەڵبوەشێتەوە.
🇪🇸 Selon les informations de RMC Sport, le Real Madrid est toujours intéressé par une signature de Kylian Mbappé en fin de contrat, malgré les indiscrétions de la Cadena SER. En réalité, cette fuite permet au club madrilène de préserver son imagehttps://t.co/hk3uiFg5KD
— RMC Sport (@RMCsport) November 8, 2023
سەرچاوەیەکی نێو دەستەی کارگێڕی ریال مەدرید بە رادیۆی مۆنتی کارلۆی راگەیاندووە
ئەگەر ئێمباپێ دەیەوێت بێتە ریال مەدرید، با خۆی کارەکە بکات.
لە راپۆرتی رادیۆ فەرەنسییەکەدا هاتووە، ریال مەدرید تەواوی پەیوەندییەکانی لەگەڵ نوێنەرانی کیلیان پچڕاندووە، ئێستا ئەرکەکە خراوەتە سەر ئێمباپێ، تاوەکو پڕۆسەی گفتوگۆکان زیندوو بکاتەوە.
یاریزانی تەمەن 24 ساڵان لە دوو یاری داهاتوودا لە بەرامبەر هەڵبژاردەکانی گیبرالتار و یۆنان سەرکردایەتی هەڵبژاردەی فەرەنسا دەکات.
