چاڤی هۆکاری دابەزینی ئاستی تیپەکەی ئاشکرا دەکات

یاریگا –

چاڤی هێرناندێز، راهێنەری یانەی بارسێلۆنا، لە سەیرترین لێدوانیدا هۆکاری دابەزینی ئاستی تیپەکەی بۆ رەخنەی میدیاکان گەڕاندەوە و پێی وایە سترێسیان بۆ یاریزانەکان دروستکردووە.

رەخنەکان لە شێوازی یاری کردنی بارسا رۆژ لەدوای رۆژ زیاد ەکات و زۆرێک پێیان وایە چاڤی نەیتوانیوە بەڵێنەکەی جێبەجێ بکات و بلاوگرانا بە پێی فەلسەفە و شێوازی ئاسایی خۆی یاری ناکات. لە دوای ئەم رەخنانە چاڤی لە کۆنگرە رۆژنامەوانییەکەیدا چەندین جار بە توندی بە میدیاکانی گووت:

زۆرێک لە رەخنەکان توند و زیادەڕەوییان پێوە دیارە و ئێوە هۆکاری دابەزینی ئاستی ئێمەن. شەپۆلێکی گەورەی نەرێنی لە دەوری تیمەکەدا هەیە کە زیانمان پێدەگەیەنێت. رەخنەکان کاریگەریان لەسەر من نییە، کاریگەری لەسەر یاریزانەکان دروست دەکات، دەتوانم ئەوە لە رووخساری ئەواندا بەدی بکەم.

لە درێژەی قسەکانیدا ئاشکرای کرد کە لە نێوان دوو گیمەکەدا چی بەیاریزانانی گوتووە:

لە نیوەی یەکەمدا پێم گوتبوون ئارام بگرن، کەس لێرە حەقی کەس ناخوات. پێم گوتن رۆژێک میدیاکان منیان بە شێرپەنجەی بارسێلۆنا دەزانی، بەڵام ئێستا وەک راهێنەری ئێوە لێرە ئامادەم.

چاڤی هەروەها دڵنیایی دا کە ساڵی رابردوو رۆژانی “زۆر خراپتر”ی بەسەر بردووە، بەڵام راستییەکەی ئەوەیە دوای یارییەکەی بەرامبەر شاختار، بوارێکی کەمی هەبوو بۆ بەرگریکردن لە خۆی و زۆر باش دەزانێت کە ئێستا ئیدارەی یانەکە زیاتر خەمی دۆخی تیپەکەیەتی.

راهێنەرە کەتەلۆنییەکە سەرنجی زۆر دەکاتە ئەو رەخنانەی لە خۆی و لە تیپەکەی دەکرێت. دوای شکستی کلاسیکۆ بەتایبەت بەهۆی ئەو دوو یاریەی کە ئاستێکی باشیان پێشکەش نەکرد بەرامبەر سۆسیداد و شاختار، هەستی بە تەنیایەکی زۆر کردووە.